«23 адамның ішінен таңдап алды». «ПетроҚазақстан Ойл Продактс» жас инженерінің оқиғасы

Біз QSamruk.kz порталы арқылы армандаған жұмысын тапқан адамдардың оқиғаларымен бөлісуді жалғастырамыз.

Бүгінгі кейіпкеріміз – «ПетроҚазақстан Ойл Продактс» ЖШС өндірістік бақылау және механикалық тұтастық бөлімінің инженері Ерасыл Бейбітұлы. Бұл компания Қазақстанның жетекші үш мұнай өңдеу зауытының бірі, республикадағы ең жаңа компания болып табылады.

Ерасыл QSamruk.kz сайтында қалай бос орынға өтініш беріп, іріктеуден сәтті өте алғанымен бөліседі. Әрі қарай оның өткен жолы жайлы толығырақ оқыңыз.

Ерасыл Бейбiтұлы – кәсіби бағындырған белестері көпшілікті әбден шабыттандыратын жас инженер. Оның оператордан инженерге дейінгі мансап көкжиектері – табандылықтың, білімнің және мамандыққа деген адалдықтың қажетті нәтижелерге қол жеткізуге қалай көмектесетінін айқын мысалы.

2019 жылы С. Торайғыров атындағы Павлодар мемлекеттік университетін «Органикалық заттардың химиялық технологиясы» мамандығы бойынша бітіргеннен кейін Ерасыл білім алуын жалғастырып, 2020 жылы «Мемлекеттік және жергілікті басқару» менеджменті бойынша магистр дәрежесін иемденді. Содан еңбек жолын «Павлодар мұнай-химия зауыты» ЖШС-де технологиялық қондырғылардың операторы ретінде бастады.

«2023 жылы Алматы қаласына көшіп келіп, онда Қазақстанның жетекші зерттеу институттарының бірі – Д.В. Сокольский атындағы отын, катализ және электрохимия институтында, коррозия мәселелері бойынша құзыреттілік орталығының аға инженері болып жұмыс істедім. Мұнай өңдеу зауыттарымен жұмыс істеу барысында «ПетроҚазақстан Ойл Продактс» ЖШС компаниясы туралы білдім. Өйткені Павлодар, Шымкент және Атырау сияқты мұнай өңдеу зауыттарындағы коррозия тұрғысында аудитке қатысқан болатынмын», - дейді біздің кейіпкеріміз өзінің болашақ жұмыс орны туралы қалай білгені туралы.

Ерасыл QSamruk.kz сайты туралы ғаламтор қойнауынан біліп, арманындағы бос орынға өтінім берген: «Тиісті сервис Қазақстанның ірі компанияларында бос жұмыс орындарын ұсынады. Компаниялардың үлкен таңдауының, интерфейстің қарапайымдылығының және жаңа жұмыс орындары туралы электрондық поштаға құлақтандыру келетін мүмкіндіктің арқасында сайтты пайдалану маған ыңғайлы болып көрінді».

«Жұмысқа қабылдау кезеңі келесідей өтті: маған «ПетроҚазақстан Ойл Продактс» ЖШС өкілдері хабарласып, онлайн-сұхбат тағайындады, содан кейін екі күннен кейін мені қабылдағысы келген бөлімше басшылары тікелей сұрақтарын қойды. Барлық сұрақтарға жауап бердім де, конкурстық негізде 23 адамның арасынан қабылдады», - дейді ол.

«ПетроҚазақстан Ойл Продактс» ЖШС-де Ерасыл RBI (Risk Based Inspection) әдістемесі бойынша статикалық жабдық тәуекелін бағалауға жауапты. Аталмыш дүние инспекцияларды тиімді жоспарлауға және апаттық жағдайлардың алдын алуға септігін тигізеді. Ол сондай-ақ мәліметтер базасын тізгіндеп, инспекциялық қызметті жақсартуға техникалық қолдау көрсетеді. 

Жұмыстан тыс уақытта Ерасыл белсенді өмір салтын, яғни шаңғы және сноуборд тебуден, бокс жаттығуларына қатысудан және достарымен серуендеуден ләззат алғанды ұнатады.

Ерасылдың еңсерген межелері - еңбекқорлықтың, дамуға деген жігерлі ұмтылыстың қалай табысты қызметке және жеке өсуге әкелетінінің үлгі-өнегесі іспетті. Ал игеріп үлгерген тәжірибесі кәсіби шеберлігін растап қана қоймай, сондай-ақ басқаларды инженерия саласында жаңа биіктерге жетуге ынталандырады.

Қазір QSamruk.kz сайтында Қазақстанның түрлі өңірлерінен 1100-ден астам бос жұмыс орны орналастырылған.

Мұнда 200 000-нан астам үміткер тіркелген және 2019 жылдан бастап 54 000-нан астам бос жұмыс орны кәдеге жарауда. Платформа тарихында 550 000-нан астам жұмыс жауабы берілген.

Тіркеліңіз, түйіндеме толтырыңыз және арманыңыздағы жұмысты табыңыз!