«Маған Qsamruk.kz тазалығы ұнады». Әсел Айтқожина «Тау-Кен Самұрық» компаниясынан қалай жұмыс тапқанын айтып берді.

Әсел Айтқожина «Тау-Кен Самұрық» ҰТК»АҚ корпоративтік қаржы қызметінде жетекші менеджер болып жұмыс істейді. Ол бұл жұмысты бес ай бұрын біздің Samruk qyzmet платформамыздың көмегімен тапты (https://qsamruk.kz/).

Онда ол түйіндеме орналастырып, бос орынға қатысты ниет танытты.

«Портал қарапайым және түсінікті навигациясымен қуантты. Барлығы өте құрылымдалған - өтініш беру және кері байланыс беру тұрғысынан да. Маған процестің транспаренттілігі көбірек ұнады - тағы қанша өтінім берілгенін, іріктеудің барлық кезеңдерін байқауға болады. Айта кету керек, көп компаниялар мұндай ашықтықты құптамайды. Менің ойымша, мұндай тәсіл тамыр-танысы жоқ адамдарға тек өз дағдылары мен білімдері негізінде жұмыс табуға мүмкіндік жол ашады», - дейді ол.

«Тау-Кен Самұрық» компаниясына жұмысқа орналасу үшін Әсел заңнама мен қазақ тілін білуге арналған тестілеуден, сандық және вербалды тесттен, сондай-ақ екі әңгімелесуден өтті.

Әселдің білімі де компанияның біліктілік талаптарына сай келді. Ол Лондон университетімен бірлескен екі дипломды бағдарлама бойынша Қазақстан-Британ техникалық университетін (ҚБТУ) бітірген.

Оның білімімен қатар «үлкен төрттік» компаниясындағы жұмыс тәжірибесі назар аудартты.

«Мен бес жыл «ErnstandYoung» бағалау және қаржылық модельдеу департаментінде жұмыс істедім. Ең төменгі позициядан бастап, компания менеджеріне дейін өстім», - дейді ол.

Алайда Әсел қайбір сәтте өзгергісі келгенін жасырмайды:

«Консалтинг саласында үлкен тәжірибе жинадым және бағытымды корпоративтік қаржы саласына ауыстырғым келетінін сездім. Бұл өте қызықты сала. Бұрын мен онымен тек жанама жолықтым, енді бұл менің негізгі қызметім".

Әсел өз білімін одан әрі тереңдетуге ниетті, өйткені компанияда түйгенімен және кеңесімен емен-жарқын бөлісетін білікті мамандар жұмыс істейді.

Әсел сияқты сіз де Qsamruk.kz арқылы Қазақстанның жетекші компанияларынан жұмыс таба аласыз. Қосылыңыз!