Жаңа жұмыс іздеушілерге рекрутерлердің 5 кеңесі
Жаңа жұмыс іздеушілерге рекрутерлердің 5 кеңесі
QSamruk.kz платформасымен жұмыс істейтін Samruk Business Academy рекрутинг департаментінің маманы, кәсіби рекрутер Сәуле Құсайынованың кеңесімен бөліскіміз келеді. Бұл айтылғандар жұмыс орнын өзгертуге шешім қабылдаған үміткерлерге көп көмектеседі деп сенеміз.
- Түйіндеме - бұл табыс кілті
Рекрутерлер жақсы құрылымдалған және ақпараты мол түйіндемелерге назар аударады. Тартымды түйіндеме жасауға уақыт бөліп, негізгі дағдыларыңызды, жетістіктеріңізді және жұмыс тәжірибеңізді айқындаңыз.
- Әлеуметтік медиада кәсіби келбетіңізді жасақтаңыз
Рекрутерлер үміткерлерді табу үшін әлеуметтік медианы белсенді пайдаланады. LinkedIn сияқты танымал платформаларда кәсіби бейін жасаңыз және тәжірибеңіз бен жетістіктеріңіз туралы ақпаратты белсенді түрде жаңартып отырыңыз.
- Өзіңізді қызықтыратын компанияларды зерделеңіз
Жұмыс іздеуді бастамас бұрын, сізді қызықтыратын компаниялар туралы зерттеу жүргізіңіз. Олардың құндылықтары, мәдениеті, өнімдері немесе қызметтері туралы біліңіз. Бұл сізге сұхбатқа дайындалуға және қызығушылығыңызды көрсетуге көмектеседі.
- Нетворкинг
Кәсіби ортаңызды белсенді түрде құру маңызды. Салалық іс-шараларға, конференцияларға, семинарларға қатысыңыз және әріптестеріңізбен, рекрутерлермен және компания өкілдерімен кездесіп тұрыңыз. Желілік байланыстар сізге жаңа жұмыс орындары туралы білуге және ұсыныстар алуға көмектеседі.
- Өзіңізді тұрақты жетілдіру
Кәсіби дамуға және оқуға инвестиция салыңыз. Өз дағдыларыңызды дамытыңыз, салаңыздағы жаңа технологиялар мен трендтерді үйреніңіз. Бұл сізге еңбек нарығында бәсекеге қабілетті және жұмыс берушілер алдында көзге түсуге көмектеседі.
Рекрутерлердің осы кеңестеріне сүйене отырып, сіз табысты жұмыс іздеу және мансапты одан әрі дамыту мүмкіндігін арттырасыз. Табанды, өзгеруге дайын және жаңа мүмкіндіктерге ашық болыңыз.
Естеріңізге сала кетейік, Qsamruk.kz мыңдаған адамдарға «Самұрық-Қазына»АҚ тобында және Қазақстанның басқа да ірі жұмыс беруші компанияларында сүйікті жұмысыңызды табуға септігін тигізеді. Бос жұмыс орындары туралы ақпаратты порталда 500-ден астам ұйым мен олардың филиалдары орналастырады. Мұнда 150 000-нан астам үміткер тіркелген. 2019 жылдан бастап 34000-нан астам бос жұмыс орны орналастырылды. Платформаның тарихында жұмыс орындарына 330 000-нан астам рет жауап берілді.
Құсайынова Сәуле