Тасымалдау құжаттарын өңдеу бойынша оператор

311 868 - 326 111

Мангистауское отделение магистральной сети Маңғыстау облысы

Қажетті жұмыс тәжірибесі: Тәжірибесіз Еңбекпен толық қамтылу, Ауысым кестесі

Бос жұмыс орын тоқтатылды

Құрылған күні:: 13.07.2026
Берілген өтінім:: 26
Қаралған саны:: 166

Конкурс туралы

Құрметті талапкер!

Бос жұмыс орнына жауап бермес бұрын, Сізден, конкурстық іріктеудің міндетті шарттарымен танысуыңызды сұраймыз:

Білім, тәжірибе, дағдылар және тағы басқа ұсынылатын деректердің дұрыстығына жұмыс іздеуші жауапты болады.

Лауазымға қойылатын біліктілік талаптарына сәйкес келетін түйіндемеде білімі мен жұмыс тәжірибесі туралы нақты мәліметтер болмаған жағдайда, «ҚТЖ» ҰК» АҚ рекрутері ізденушіні конкурстық іріктеуге қатысуға жібермейді.
Еңбек заңнамасының талаптарын ескере отырып, Сізге тиісті хабарлама берілген күннен бастап 5 (бес) жұмыс күні ішінде сыбайлас жемқорлық қылмыс жасағаны туралы мәліметтердің жоқтығы туралы анықтама беру қажет.

Анықтама өзекті ақпаратты қамтуға тиіс және конкурстық іріктеу өткізілгенге дейін 2 (екі) айдан ерте алынбауға тиіс. Анықтаманы Egov электрондық порталы арқылы «Жұмысқа орналастыру және жұмыс іздеу» бөлімінен алуға болады.
Егер Сіз басшылық/басқарушылық лауазымға үміткер болсаңыз, онда «ҚТЖ» ҰК» АҚ рекрутерінің сұрауы бойынша компанияға үлестестігі мен мүдделер қақтығысын тексеру үшін ұсынылған шаблондарға сәйкес 3 (үш) жұмыс күні ішінде мынадай құжаттарды ұсыну қажет:
1. мүдделер қақтығысы туралы декларация;
2. үміткер мен оның жұбайының активтері мен міндеттемелері туралы декларацияны тапсыру туралы мәліметтер (хабарлама);
3. үміткер анкетасы.
Егер Сіз «ҚТЖ» ҰК» АҚ бос жұмыс орындарына qsamruk.kz платформасы арқылы жауап берсеңіз, Сізден job.railways.kz платформасындағы түйіндемеңіз өзекті ақпаратты қамтитынына көз жеткізуіңізді сұраймыз.

Сізден жеке кабинеттегі тиісті хабарламаларды қарап отыруды сұраймыз.

Маңызды!

«ҚТЖ» ҰК» АҚ бос орындарға қызметкерлерді қабылдау/ауысудың әділ және ашық процесін жүзеге асырады.

Егер таңдаудың қандай да бір кезеңінде сізге қандай да бір ақшалай немесе басқа сыйақы үшін жұмысқа қабылдауға/аударуға көмектесу ұсынылса/кеңес болса - бұл алаяқтық!

Сіздерді алаяқтық схемаларға қатысудан және күнделікті сыбайлас жемқорлыққа үлес қоспаудан сақ болуға шақырамыз.

Осындай жағдайларды дереу 8 800 080 47 47 сенім телефонына және WhatsApp 8 771 191 88 16 телефондарына хабарлаңыз. Немесе mail@sk-hotline.kz электронды поштасына немесе ҚТЖ ҚОҚ ISPB мобильді қосымшасына хабарлаңыз.

Лауазымдық міндеттер:

- Поездық және техникалық құжаттаманың бар-жоғын және сақталуын тексереді.
- Алдағы жұмыс жоспары, станция жолдарындағы жылжымалы құрамның болуы мен орналасуы туралы жолдық жағдайға сәйкес мәліметтермен, жұмысқа қатысты нұсқаулармен, құжаттармен және ауысымды тапсыратын ПҚӨ операторының ақпараттарымен танысады.
- Кезекшілікті қабылдау кезінде, ауысым барысында және ауысым аяқталған кезде анықталған барлық ескертулер мен бұзушылықтар туралы станция бойынша кезекшіге (бұдан әрі – СБК) баяндайды.
- Локомотив бригадасынан тасымалдау құжаттары салынған пакеттерді қабылдайды және тапсырады (станцияда болған жағдайда қабылдау бункерлерінен), оларды ДУ-40 нысанындағы құжаттарды қабылдау-тапсыру журналында қол қойдыру арқылы тіркейді, тасымалдау құжаттарының толықтығы мен сәйкестігін тексереді.
- СМГС жүкқұжатының 24-бағанында көрсетілген құжаттардың болуын тексереді.
- ВЖДО қызметкерлерінің алып жүруіне және күзетуіне жататын номенклатуралық жүктерді «Жүкті күзетке тапсыру» кітабына тіркейді және оларды әскерилендірілген күзет қызметкерлеріне ХУ-5 журналында қол қойдыру арқылы тапсырады, ал тез тұтанатын жүктерді ХУ-3 журналы бойынша ПП-49 тәртібімен тапсырады.
- Тасымалдау құжаттарын пойыз құрамындағы вагондардың орналасу ретіне сәйкес топтастырады және пакеттерге жинақтайды.
- Тасымалдау құжаттарын іріктеу кезінде жұмыс істемейтін паркке қатысты қосымша ілеспе құжаттардың болуын тексереді.
- Тасымалдау құжаттарының вагондардан, сондай-ақ вагондардың тасымалдау құжаттарынан ажыратылуына жол бермейді, тасымалдау құжаттарының қалдықтарының болуын тексереді.
- Жөнелтуге дайын барлық пойыздарға тасымалдау құжаттары салынған пакеттерді локомотив бригадасына ДУ-40 журналында қол қойдыру арқылы жеткізеді.
- Пойыз құрамын толықтыру кезінде әрбір тіркелетін вагонға тасымалдау құжаттарының болуын, олардың дұрыс іріктелуін және натурлық параққа сәйкестігін тексереді, ТГНЛ деректерін әрбір вагон бойынша тасымалдау құжаттарының мәліметтерімен салыстырады.
- Келген пойыздар бойынша ТГНЛ сұратады және оның мәліметтерін әрбір вагонның тасымалдау құжаттарындағы мәліметтермен салыстырады.
- Натуралық тексеруге жататын станция жолдарындағы қалыптастырылған, бірақ тексерілмеген құрамдардың болуын тексереді.
- Барлық қалыптастырылған пойыздарды натуралық тізімдеу арқылы тексереді, кез келген сәйкессіздік анықталған жағдайда бұл туралы станция бойынша кезекшіге және АБЖ операторына баяндайды.
- СМГС тасымалдау құжаттарының 34-бағанына күнтізбелік мөртабан қояды.
- Болашақ станциясына пойыз келгеннен кейін жергілікті вагондардың тасымалдау құжаттарын іріктеп алып, ГУ-48 нысанындағы тасымалдау құжаттарын тапсыру кітабында қол қойдыру арқылы ПСГ-ға тапсырады.
- Транзиттік, экспорттық және импорттық қатынастағы кедендік жүктердің жеткізу мерзімін бақылайды. Жеткізу мерзімі өткен немесе аяқталуға жақын вагон анықталған жағдайда ГУ-23 жалпы нысандағы актіні рәсімдейді және 2024 жылғы 25 желтоқсандағы №176-ГП бұйрығына сәйкес кедендік транзит мерзімін ұзарту туралы аумақтық кеден органына негізделген өтініш жолдайды.
- Жүктердің жеткізу мерзімін бақылайды. Жеткізу мерзімі өткен вагондар анықталған жағдайда ГУ-23 жалпы нысандағы акт жасайды және жедел жеделхат жолдайды.
- Анықталған барлық сәйкессіздіктер бойынша (құжатсыз келген вагондарға, вагонсыз келген құжаттарға, салмағының азаюына байланысты ағытылған вагондарға, техникалық немесе коммерциялық ақаулықтарына байланысты топтық құжаттан ажыратылған вагондарға және т.б.), сондай-ақ тасымалдау қағидаларында көзделген барлық қажетті жағдайларда ГУ-23 нысанындағы акт жасайды.
- Жүк паркінің вагондары мен әмбебап контейнерлердің қоғамдық және жолдық санағын өткізуге қатысады.
- Топтық жөнелтуден вагондарды ағытады, бір тасымалдау құжаты бойынша жөнелтілетін вагондар тобынан вагондарды ағыту кезінде ГУ-23 нысанындағы акт жасайды.
- Тасымалдау, ілеспе (коммерциялық) құжаттардың толық пакетін және ППВ-ның екі данасын ұсыну арқылы кеден органдарына жүктің келгені туралы хабарлайды.
- Әкелінген тауарларды кедендік ресімдеу үшін тасымалдау және ілеспе құжаттардың жиынтығын, жалпы нысандағы актілерді, коммерциялық актілерді (бар болған жағдайда) құжаттарды есепке алу кітабында күні, уақыты көрсетіліп және екі тараптың қолдары қойылып, декларантқа/кеден өкіліне тапсырады.
- Кеден қызметкерінен тағайындалған кеден органының коды немесе атауы, кедендік транзит мерзімі, сәйкестендіру құралдарының нөмірлері және транзиттік декларацияның тіркеу нөмірі көрсетілген бағыттаушы мөрі бар тасымалдау құжаттарын қабылдайды.
- Кедендік бақылаудағы вагонды/контейнерді қайта адрестеу кезінде жүк кедендік бақылау аймағына орналастырылғаннан кейін қайта адрестеу туралы кеден органы қызметкерлеріне негізделген өтініш жолдайды.

Біліктілік талаптары:

Білімі: орта (техникалық-кәсіптік) немесе жоғары
Саласы бойынша мамандығы: Көлікті пайдалану және жүк қозғалысы мен тасымалдауды ұйымдастыру.
Еңбек өтілі: талап етілмейді

Қосымша талаптар:

Нормативтік және техникалық білімін тексеру үшін 2 жылда 1 рет аттестациядан өтеді.