Автотранспорт учаскесінің диспетчері

Лауазымдық жауапкершілік:

• Автокөлік жүргізушілерінің жұмысын және олардың ауысымдық жоспар мен тасымалдау тапсырмаларын орындауын ұйымдастырады және бақылайды. • Көлік құралдарының қауіпсіздігін қамтамасыз ету бойынша қажетті шараларды ұйымдастырады. • Нақты метеорологиялық жағдайларда жолдардың жай-күйіне, жекелеген учаскелердегі қозғалыс тәртібіне ерекше назар аудара отырып, жүргізушілерге маршруттар бойынша тасымалдау шарттары мен ерекшеліктері туралы нұсқау береді. • Тасымалдауды дәйекті жедел басқаруды қамтамасыз ету үшін жүргізушілермен, тиеу-түсіру пункттерімен тұрақты байланыста болады. • Автокөліктің артық тұрып қалуын жою шараларын ұйымдастырады. • Жүргізушілердің орындаған жұмыстарын көрсететін жол парақтарын және басқа да құжаттарды толтырады, береді және қабылдайды, олардың ресімделуінің дұрыстығын тексереді. • Жол парақтарындағы тиісті техникалық және пайдалану көрсеткіштерін есептейді. • Бухгалтерияға ай сайын көлік құралдарының жанармай шығыны туралы мәліметтерді жүріс нормаларын есепке ала отырып жиынтық кесте түрінде ұсынады. • Ауысымдағы жұмыстар мен оқиғалар туралы жедел қорытындылар мен есептерді құрастырады. • Көлік құралдарының жұмысын үйлестіреді. • Техникалық және басқа себептермен мерзімінен бұрын кеткен көліктердің орнына резервтегі көліктерді маршруттағы қозғалысқа қосу, жол жөндеу жұмыстарына байланысты көліктерді маршруттан маршрутқа, басқа бағытқа жедел ауыстыру бойынша шаралар қабылдайды. • Аяқталған тасымалдау құжаттарының дұрыс ресімделуін тексереді, бөгде кәсіпорындардың көліктерінің жұмысын үйлестіреді. • Аяқталған жүктерді тасымалдауды бақылауды және есепке алуды қамтамасыз етеді және тасымалдау процестеріндегі ақауларды, көліктерді тиеу-түсіру пункттеріндегі шектен тыс тұрып қалуды жою бойынша шаралар қабылдайды. • Автокөлік құралдары мен тиеу-түсіру механизмдерін пайдалану нәтижелерін жедел есепке алуды, бақылауды және талдауды жүзеге асырады, кірме жолдардың жағдайын, сондай-ақ жүргізушілердің көліктік тәртіпті сақтауын бақылайды. • Қажет болған жағдайда желідегі жылжымалы құрамға уақытылы техникалық көмек көрсетуді ұйымдастырады. • Журнал мен кезекшілік кітапшасын жүргізеді. • АЖ-3 ақпараттық жүйесіне барлық көліктер мен арнайы техникалардың жүкқұжаттарындағы мәліметтерді енгізеді

Білім:

жоғары, арнаулы орта

Дағдылар:

Көлік құралдарының жұмысын ұйымдастыру және үйлестіру. Тасымалдау құжаттамасы рәсімдерін білу. Қызмет көрсету аймағындағы жолдардың орналасуы және ұйымдастыру мекенжайлары

Қосымша:

қажет емес

Білетін тілдер:

қазақ, орыс