Өңіраралық мобильді жедел әрекет ету тобының (ӨМЖӘТ) күзетшісі келесі функцияларды орындайды:

• күзетілетін номенклатуралық жүктерге қатысты қылмыстық қол сұғушылықтардың алдын алу және профилактикалық іс-шараларды жүзеге асыру, ұрлық жасауға дайындық белгілерін немесе ұрлық жасау әрекеттерін анықтау мақсатында күдікті бөгде адамдарды анықтау;

• жүктерді ұрлауға әрекет жасау мақсатында бөгде адамдардың енуі ықтимал орындарда фото және бейнетүсірілім құралдарын пайдалана отырып бақылау іс-шараларын жүргізу;

• ұрлық жасауға неғұрлым қолайлы орындарды анықтау, сондай-ақ криминогендік учаскелер картасын қалыптастыру мақсатында қызмет көрсету учаскелерін (станция парктері, тұйық жолдар, разъездер, кірме жолдар және т.б.) зерделеу;

• өндірістік қажеттілік туындаған жағдайда жүк және транзиттік контейнерлік пойыздарды ашық және жасырын түрде күзетіп алып жүруді жүзеге асыру, сондай-ақ күзет нарядтарын күшейту мақсатында локомотивсіз қалдырылған пойыз құрамдарын күзетуді қамтамасыз ету;

• күзетілетін номенклатуралық жүктерге қатысты қылмыстық қол сұғушылықтардың жолын кесу мақсатында теміржолдың криминогендік учаскелерін (станция парктері, аралықтар, разъездер және т.б.) анықтау және тексеру бойынша көліктегі полицияның желілік бөлімшелері қызметкерлерімен бірлесіп мақсатты алдын алу-профилактикалық іс-шараларды өткізу;

• номенклатуралық жүктерді ұрлау (жоғалту) фактілеріне байланысты төтенше жағдайлар мен оқиғаларға жедел ден қою, сондай-ақ қылмыс жасалған орындарды, қылмыс іздері мен құралдарын қысқа мерзімде анықтау, ұрланған мүлікті іздестіру, күдікті тұлғаларды анықтау және ұстау шараларын қабылдау мақсатында көліктегі полицияның желілік бөлімшелері қызметкерлерімен бірлесіп жедел-іздестіру іс-шараларын жүргізу;

• күдікті тұлғаларды ұстау мақсатында белгілі бір орындарда (станцияларда, аралықтарда, разъездерде және т.б.), сондай-ақ ұрланған жүк табылған жерлердің маңында немесе күдіктінің (күдіктілердің) ұрланған жүкпен кетуі ықтимал бағыттарда жасырын тосқауыл іс-шараларын ұйымдастыру және өткізу;

• қажетті болған жағдайда Қазақстан Республикасының заңнамасына сәйкес ұрлық жасады деп күдік келтірілген немесе ұрлық жасаған тұлғаларды ұстау және құқық қорғау органдарына жеткізу, қылмыс құралдарын және өзге де заттай дәлелдемелерді тапсыру;

• қызмет көрсету учаскелерінде станция парктеріндегі әскерилендірілген күзетті ұйымдастыруға, жүк және транзиттік контейнерлік пойыздарды күзетіп алып жүруге, локомотивсіз қалдырылған пойыз құрамдарын күзетумен қамтамасыз етуге, профилактикалық іс-шаралардың жүргізілуіне бақылау және тексерулерді (оның ішінде кенеттен) жүзеге асыру, сондай-ақ Күзет серіктестігінің филиалдары күзет нарядтары мен мобильді жедел әрекет ету топтарының функционалдық міндеттерді бұзу фактілеріне жол бермеу.

Конкурстық комиссияның отырысына дейін кандидат келесі талаптарды орындауы тиіс:

Кандидатта көрсетілген нормативтерді тапсыруға рұқсат беретін тиісті медициналық қорытынды болған жағдайда, «ӘТЖҚ» ЖШС Бас директорының 2025 жылғы 12 ақпандағы №14-ң/қ бұйрығымен бекітілген дене даярлығы нормативтерін тапсырады:

1. «100 метр қашықтыққа жүгіру» жаттығуы.

2. «Шаттл жүгіру» жаттығуы (10 метрді 10 рет жүгіру).
   Жаттығу жүгіру жолағында немесе қатты жабындысы бар басқа алаңда орындалады. Бастапқы қалыпта кандидат старт сызығының алдында тұрады, старт сызығын басуға жол берілмейді. Старт алу тәсіліне (төменгі немесе жоғары старт) талап қойылмайды.

3. «Турникке тартылу» жаттығуы.
   Жаттығу бастапқы қалыптан орындалады: жоғарыдан қармап асылу (бас бармақ турникті толық қамтиды), қолдар толық жазылған, аяқтар тік және бірге ұсталған немесе айқастырылған, тірекке тимеуі тиіс.

4. «Күш жаттығулары кешені».

   1) Тіреп жатып қолды бүгу және жазу (отырып-тұру емес, жерден көтерілу)
   Бастапқы қалып: дене еденге (жерге) қараған көлденең күйде, түзу қолдарға тіреліп тұру, қолдар иық деңгейінде, саусақтар алға бағытталған (жұдырықта орындалған жағдайда бас бармақ алға бағытталады), дене түзу, аяқтар тік және бірге ұсталған (аяқ ұштарының арақашықтығы бір алақан көлемінен аспауы мүмкін) немесе айқастырылған. Қолды бүгу және жазу 10 рет орындалады.
   Жаттығу кеуде еденге (жерге) тигенге дейін төмен түсіп, бастапқы қалыпқа қайта оралған жағдайда орындалған болып есептеледі. Тізенің жерге тиюіне жол берілмейді.

   2) Тіреп жатып толық отырып-тұру қалпына ауысу
   Бастапқы қалып: дене еденге қараған көлденең күйде, қолдар жазылған, тіреу қолдарда, жамбас төмен түсірілген, аяқтар иық деңгейінде, тізелер еденге тимейді. Жаттығу 10 рет орындалады.
   Екі аяқ бір мезгілде толық отырып-тұру қалпына ауыстырылып (қолдар еденге тірелген, аяқтар бүгілген, сан балтырға тиген), кейін бастапқы қалыпқа қайта оралғанда жаттығу орындалған болып есептеледі.

   3) Толық отырып-тұру қалпынан жоғары секіру
   Бастапқы қалып: қолдар еденге тірелген, аяқтар бүгілген, сан балтырға тиген. Жаттығу 10 рет орындалады.
   Аяқ толық жазылып, дене жерден ажырап жоғары секіргенде (қолдар жоғары созылған, дене мен аяқтар түзу), кейін бастапқы қалыпқа қайтып келген жағдайда жаттығу орындалған болып есептеледі.

   4) Шалқадан жатқан қалыптан денені көтеру
   Бастапқы қалып: дене шалқасынан жатқан күйде, жауырындар еденге тиіп тұрады, қолдар шынтақтан бүгілген, алақандар бастың артында немесе қолдар кеуде тұсында айқастырылып, алақандар иықта орналасады, аяқтар түзу және бірге ұсталған немесе тізеден бүгілген, табандар еденге тірелген. Жаттығу 10 рет орындалады.
   Жаттығу дене еденнен кемінде 90 градусқа көтерілген жағдайда орындалған болып есептеледі. Денені көтеру кезінде қолдардың бастан немесе иықтан ажырауына жол берілмейді.

   Ескерту: Күш жаттығулары кешені қалыптарды ауыстыру және тәсілдер арасында демалыссыз орындалады. Жаттығу орындау тәртібі бұзылған жағдайда «есептелмейді» деген пәрмен беріледі, бірақ үш реттен артық емес. Кейіннен қайта бұзылған жағдайда кандидат жаттығуды орындаудан шеттетіледі.

5. «1000 метрге жүгіру» жаттығуы.
   Жаттығу жүгіру жолағында немесе қатты жабындысы бар басқа алаңда орындалады. Бастапқы қалыпта кандидат старт сызығының алдында тұрады, старт сызығын басуға жол берілмейді. Старт алу тәсіліне (төменгі немесе жоғары старт) талап қойылмайды.

Кандидаттарға қойылатын талаптар:

• жасы 35 жасқа дейін қоса алғанда;
• бойы кемінде 175 см;
• әскери қызметтен өткен болуы тиіс.