Лауазымдық міндеттер:

жұмыс жоспарларының орындалуын қамтамасыз ету; тоқсанына 1 рет өзіне бекітілген ТП, КТП, КТПН, МП, МПН-ға тексеру жүргізу; анықталған ескертулерді актімен ресімдеу; ИСМ-нің жұмыс істеуін және нәтижелілігін тұрақты жақсартуды, ИСМ талаптарының орындалуын, тәуекелдерді сәйкестендіру, бағалау және басқару бойынша жұмыстардың жүзеге асырылуын қамтамасыз ету; негізгі міндеті – қозғалыс қауіпсіздігін сөзсіз қамтамасыз ете отырып, СЦБ құрылғылары мен теміржол тұтынушыларын сенімді және үздіксіз электрмен жабдықтауды қамтамасыз ету болып табылады. Құрылғылардың жұмысындағы авариялық жағдайларды жоюға, жөндеуге, ескірген құрылғыларды ауыстыруға және жаңғыртуға қатысады. Құрал-саймандардың, такелаждың, құрал-жабдықтардың, қорғаныс құралдарының дұрыс сақталуына, жай-күйіне, берілуі мен қабылдануына жауапты тұлға болып табылады. Жедел және бірсызықты сұлбалардағы өзгерістер кезінде түзетулерді уақтылы енгізу, кезекшіге кезекшілік пунктінен кетуге және үйіне кезекшілікті ауыстыратын тұлғамен (энергодиспетчермен немесе электрмен жабдықтау ауданының бастығымен) келісімсіз кезекшілікті үзуге, сондай-ақ бөгде тұлғалардың кезекшілік пунктіне кіруіне жол берілмейді. Кезекші жұмыс жүргізу кезінде жұмыс беруші берген барлық жеке қорғаныс құралдарын, арнайы киімді, арнайы аяқ киімді қолдануға міндетті. Кезекші жұмыстарды орындау кезінде қолданылатын жеке қорғаныс құралдарының, монтаждық-қорғаныс құрылғылары мен құрал-саймандардың жарамдылығын және сынақтан өткізілгені туралы белгілердің болуын тексеруге міндетті:
 Кезекші кезекшілік кезінде:
жедел келіссөздерді тек осыған уәкілетті тұлғалармен жүргізеді. Телефон арқылы сөйлесуді қысқа әрі нақты жүргізеді, өзінің лауазымын, тегін, ауданның электрмен жабдықтау нөмірін (немесе атауын) атайды және бұйрық немесе өкімді берген тұлғаның тегі мен лауазымын анықтайды. Тұлғаның дұрыстығына күмән туындаған барлық жағдайларда жедел келіссөздер жүргізу кезінде кері қоңырау шалу әдісін қолданады;
энергодиспетчерге жұмыстарды орындауға арналған өтінімдерді, хабарламаларды береді және одан бұйрықтарды алады;
жедел бұйрықтарды тек оларды мұқият қайталап және энергодиспетчер бекіткеннен кейін орындайды;
өтінімдерді, жедел бұйрықтар мен хабарламаларды, олардың бекітілген уақытын және энергодиспетчердің қабылдау уақытын тікелей жедел журналға жазады. Бұйрықтарды жекелеген қағаз парақтарына жазып, кейіннен жедел журналға енгізуге тыйым салынады. Энергодиспетчерден алынған бұйрықтың дұрыстығына күмән туған жағдайда, оны растауды талап етеді және бұйрықты энергодиспетчер қайталап бергеннен кейін ғана орындайды; электрмен жабдықтау құрылғысының зақымданғаны туралы хабарлама алған кезде хабарлаған тұлғадан зақымданған жерді, сипаты мен көлемін егжей-тегжейлі анықтайды, содан кейін бұл туралы энергодиспетчерге дереу хабарлайды және оның нұсқауы бойынша әрі қарай әрекет етеді, адамдармен жазатайым оқиғаның туындау қаупі, пойыздар қозғалысының қауіпсіздігіне қатер немесе құрылғылардың зақымдануы кезінде оларды болдырмау үшін қажетті шараларды дереу қабылдайды, содан кейін жүргізілген операциялар туралы энергодиспетчерге немесе электрмен жабдықтау ауданының бастығына хабарлайды және әрі қарай энергодиспетчердің немесе электрмен жабдықтау ауданы бастығының нұсқауларына сәйкес әрекет етеді, адамды электр тогы соққан кезде ең алдымен зардап шегушіге алғашқы көмек көрсетеді, электрмен жабдықтау құрылғыларында өрт пайда болған кезде оны жою бойынша шаралар қабылдайды, бұл туралы энергодиспетчерге, электрмен жабдықтау ауданының бастығына және қажет болған жағдайда жергілікті өрт күзетіне (салалық өртке қарсы қызметке) хабарлайды, электрмен жабдықтау құрылғыларындағы барлық ажыратулар, кернеудің төмендеуі және артық жүктемелер туралы, сондай-ақ найзағайдың жақындауы немесе күрделі метеорологиялық жағдайдың басталуы туралы энергодиспетчерге дереу хабарлайды,  наряд және энергодиспетчердің бұйрығы болған кезде қызмет көрсетілетін учаске шегіндегі электр қондырғылары мен желілерінде жұмыс жүргізу үшін жұмыс орнын дайындауды қамтамасыз етеді және бригаданы жұмысқа жібереді,  жедел журналда электр қондырғылары мен жоғары кернеулі электр беру желілерінің ажыратқыш жетектерінің кілттерін сақтау және беру есебін, сондай-ақ тасымалды жерге тұйықтаулардың есебін жүргізеді. Байланыстың барлық түрлерінің жарамды жай-күйін бақылайды және жеке сөйлесулер үшін оларды пайдалануға жол бермейді, энергодиспетчермен немесе электр энергиясын тұтынушымен байланыс үзілген жағдайда байланысты қалпына келтіру шараларын қабылдайды (қалалық, теміржол байланысын пайдаланады, ауданның электрмен жабдықтау қызметкерін жақын жердегі телефон пунктіне жібереді және т.б.), энергодиспетчермен немесе электр энергиясын тұтынушымен байланыс толық жоғалған жағдайда, жазатайым оқиға немесе электр энергиясының зақымдануы кезінде осы Нұсқаулыққа сәйкес және техникалық қажеттілікті сақтай отырып өз бетінше әрекет етеді, электрмен жабдықтау ауданының кезекшілік пунктінде кезекшілік атқарады, кезекші бұдан басқа электр қондырғылары мен электр беру желілерін пайдалану қызметіне байланысты мынадай жұмыстарды орындайды, энергодиспетчердің тапсырмасы бойынша немесе рұқсатымен қауіпсіздік техникасының талаптарын қатаң сақтай отырып, кезекшілік пункті орналасқан станция шегіндегі электр қондырғылары мен электр беру желілеріне тексеру жүргізеді, бұл ретте тексеруді бастамас бұрын ЭУ-82 нысанындағы жедел журналға жазба енгізеді. 

Қосымша талаптар:

Қорғаныс құралдарының, құрылғылардың, аспаптардың және мүкәммалдың жарамды күйде сақталуын және дұрыс пайдаланылуын қадағалайды. Кезекшілік ауысымына бекітілген кезекші пункт пен электр қондырғылары орналасқан үй-жайларда тазалық пен тәртіптің сақталуын қамтамасыз етеді. Кезекші пункт аумағында немесе үй-жайында аспаптарды, монтаждау құрылғыларын жөндеу және басқа да жұмыстарды орындайды. Бұл ретте энергодиспетчермен немесе электрмен жабдықтау ауданының бастығымен байланыс қамтамасыз етілуі тиіс. Электрмен жабдықтау ауданы бастығының тапсырмасы және энергодиспетчердің рұқсаты бойынша автомотрисамен (дрезинамен), автокөлікпен немесе пойызбен материалдарды жұмыс орнына жеткізу үшін шығады. Энергодиспетчермен келісу бойынша электрмен жабдықтау құрылғыларына ағымдағы жөндеу жұмыстарын орындайды немесе наряд не өкім бойынша көрсетілген жұмыстарға қатысады. Осы жұмыстарды орындау кезінде кезекші негізгі кезекшілік міндетінен босатылады. Энергодиспетчермен немесе тұтынушымен байланыс жоғалған жағдайда кезекшіге жоғары вольтты қондырғылардағы ажыратқыштарды қосуға немесе орнатылған жерге қосуларды алуға тыйым салынады. Мұндай жағдайда төмен вольтты қондырғыларды ғана қауіпсіздік талаптарын сақтай отырып қосуға рұқсат етіледі. Кезекшілікті қабылдау және тапсыру. Кезекшілікті қабылдайтын қызметкер: ЭУ-82 жедел журналындағы және ЭУ-83 нысанындағы ақауларды қарау журналындағы жазбалармен танысады; Қоректендіру және секциялау схемасының жай-күйі, ажыратылған жабдықтар, аяқталмаған жұмыстар және жерге қосу құралдары туралы мәлімет алады; Жаңа бұйрықтармен, өкімдермен және нұсқаулықтармен танысады; Көлік және қалпына келтіру құралдарының жарамдылығын тексереді; Кілттердің, құралдардың, қорғаныс құралдарының, алғашқы көмек және өрт қауіпсіздігі құралдарының болуын және жарамдылығын тексереді; Байланыс құралдарының жұмысқа жарамдылығын тексереді.  Кезекшілікті қабылдайтын және тапсыратын қызметкерлер барлық ауытқулар, ақаулар мен кемшіліктер туралы жедел журналға жазба енгізіп, журналға қол қояды. Кезекшілікті қабылдаған қызметкер бұл туралы энергодиспетчерге баяндап, ауданның жағдайы жөнінде қысқаша мәлімет береді. Апаттарды жою немесе ауыстырып қосу жұмыстары кезінде кезекшілікті қабылдау және тапсыруға жол берілмейді, ерекше жағдайларда ғана рұқсат етіледі.  Келіспеушіліктер туындаған жағдайда қабылдайтын кезекші бұл туралы энергодиспетчерге хабарлайды.  Үйде кезекшілік атқарған кезде кезекші тәулігіне бір рет кезекші пунктке келіп, байланыс құралдарының жұмысын тексереді. Келу және кету уақыты жедел журналда тіркеледі.  Үйдегі кезекшілік аяқталғаннан кейін кезекші энергодиспетчермен келісіп, жарықты өшіреді және кезекші пункттің есіктерін жабады.

Қажетті білім дәрежесі

• Техникалық және кәсіптік білім беру