"Отын шаруашылығы" учаскесін пайдалану жөніндегі жетекші инженер

1. Техникалық сүйемелдеу
1) ППТГ және дизель шаруашылығының режимдерін талдау, қысым, температура, шығын ауытқуларын, сүзгілердегі қысым айырмасын, резервуарлардың деңгейлері мен жай-күйін анықтау;
2) пайдалану жөніндегі нұсқаулықтарды, режимдік карталарды, сынақ жүргізу бағдарламаларын, қорғаныс тізімдерін және технологиялық сызбаларды әзірлеу және өзектендіру;
3) ақауларды жоюға, сенімділікті арттыруға, шығындарды азайтуға және резервтеуді қамтамасыз етуге арналған техникалық шешімдер дайындау;
4) сыни жабдықтардың тізімін жүргізу және олардың сенімділігі бойынша іс-шаралардың орындалуын бақылау;
2. Жөндеу және диагностика
1) техникалық қызмет көрсету және жөндеу жоспарларын, ақау ведомостарын, материалдарға, қосалқы бөлшектерге және қызметтерге техникалық талаптарды қалыптастыру;
2) жабдықтың жөндеуге дайындалуын, бекітулердің толықтығын, дренаждауды, үрлеуді, дегазацияны және бекітілген сызбалар бойынша тығындарды орнатуды бақылау;
3) жөндеуді қабылдауға, қорғаныс, блокировкалар және дабылдардың функционалдық тексерістеріне қатысу, техникалық қорытындыларды рәсімдеу;
4) қайталанатын ақаулар мен істен шығуларды талдау, түзетуші және ескертуші іс-шараларды әзірлеу;
3. Есепке алу және есептілік
1) өлшеу құралдарының көрсеткіштерін, жедел журналдарды, АСУ ТП деректерін және отын қабылдау-беру құжаттарын салыстыру, сәйкессіздіктерді анықтау;
2) отын шығыны, қорлар, шығындар, сенімділік және жабдықтың дайындық деңгейі бойынша тәуліктік, айлық және өзге де техникалық есептілікті дайындау;
3) метрологиялық қызметпен бірлесіп өлшеу құралдарын тексеруді, калибрлеуді және оларға қызмет көрсетуді бақылау;
4) берілген параметрлердің (уставкалар) өзгерістерін, конфигурацияны және пайдалану құжаттамасын қадағалануды қамтамасыз ету;
4. Қауіпсіздік және персоналды даярлау
1) тәуекелдерді бағалауға, наряд-рұқсаттарды дайындауға, газ қауіпті жұмыстар бағдарламаларын, ауыстырып-қосқыштар мен аварияға қарсы жаттығуларға қатысу;
2) берілген өкілеттік шегінде жұмыс орындарының және жабдықтың техникалық дайындықтарын тексеру, бұзушылықтарды тіркеу және олардың жойылуын бақылау;
3) техникалық оқытуды жүргізу, персоналдың білімін тексеруге арналған сұрақтар мен материалдарды әзірлеу;
4) аварияларды, инциденттерді, ағуларды, төгілулерді және отынды есепке алу бұзушылықтарын тергеуге қатысу;
5. Іске қосу-реттеу және өзгерістер

1) жобалық және атқарушылық құжаттаманы қабылдауға, іске қоспай тұрып тексерулерге, жеке және кешенді сынақтарға қатысу;
2) ескертпелердің жабылуын, құжаттаманың дайындығын, қосалқы бөлшектер мен персоналдың жабдықты енгізуге дайындығын бақылау;
3) сызбаларға, алгоритмдерге, уставкаларға және жабдық материалдарына рұқсатсыз өзгерістер енгізуге жол бермеу;

Талаптар:

• Білім деңгейі — жылуэнергетика, мұнай-газ ісі, химиялық технология, механика, автоматтандыру бағыттары бойынша жоғары техникалық білім немесе өзге де бейіндік білім
• Жұмыс тәжірибесі — газ, мұнайөнімдері немесе энергетикалық жабдықты пайдалану бейіні бойынша кемінде 3 жыл

Міндеттерді орындау үшін қажетті дағдылар
1) Электр энергетикасы, азаматтық қорғаныс, өнеркәсіптік, өрт және экологиялық қауіпсіздік, еңбекті қорғау және орындалатын функциялар көлеміндегі өлшем бірлігінің заңнамасы;
2) электр станциялары мен желілерінің техникалық пайдалану ережелері, жылутехникалық-механикалық жабдықты пайдалану кезіндегі қауіпсіздік техникасы ережелері және газ және сұйық отын объектілеріне қолданылатын талаптар;
3) отын шаруашылығының технологиялық сызбасы: отын газын дайындау пункті, дизель отыны қорының резервуарлары, дизель отыны сорғы станциясы, төгу құрылғысы, цехаралық құбырлар, ажыратқыш және сақтандырғыш арматура;
4) жобасына, зауыттық нұсқаулықтарына, технологиялық регламенттеріне, P&ID және себеп-салдар матрицаларына сәйкес жабдықтың тағайындалуы, құрылысы, сипаттамалары, рұқсат етілетін режимдері және қорғаныстары;
5) табиғи газ бен дизель отынының физика-химиялық және өрт-жарылысқа қауіпті қасиеттері, ағулардың, төгілулердің, газданудың белгілері, бақылау тәртібі және бірінші кезектегі іс-қимылдар;
6) жабдықты іске қосу, тоқтату, ауыстырып-қосу, сынақтан өткізу, жөндеуге шығару және пайдалануға енгізу тәртібі; блокировкаларға, дабылға, газ талдауға, жерлендіруге және найзағайдан қорғауға қойылатын талаптар;
7) газ қауіпті, отты жұмыстар, жөндеу және жер жұмыстарының ұйымдастырылу тәртібі, наряд-рұқсаттарды қолдану, энергия көздерін блокировкалау және берілген өкілеттік шегінде тығындарды орнату;
8) аварияларды жою жоспары, өрт сөндіру жоспары, хабарлау сызбалары, авариялық ажырату құрылғыларының орналасуы, байланыс құралдары, өрт сөндіру, төгілулерді оқшаулау және жеке қорғаныс құралдары;
9) жедел құжаттамаға, ауысымдық журналдарға, отынды есепке алуға, ақауларды тіркеуге, АСУ ТП архивтерін сақтауға және сенімді ақпаратты беруге қойылатын талаптар;
10) сүзгілердің, сепараторлардың, реттегіштердің, жылуалмастырғыш жабдықтың, сорғылардың, резервуарлардың, құбырлардың және арматураның техникалық жай-күйін диагностикалау және талдау әдістері;
11) өткізу қабілетін есептеудің, гидравликалық шығындардың, материалдық баланстардың және отынның ең аз қажетті қорын анықтаудың негіздері;
12) істен шығулардың түпкі себептерін талдау әдістері, жабдықтың критикалылығы, техникалық қызмет көрсетуді жоспарлау және өзгерістерді басқару;

Шарттар:

• 5/2, жұмыс кестесі 09:00-18:30, түскі ас 13:00-14:30
• Әлеуметтік пакет
• Медициналық сақтандыру