Міндеттері:

• сатып алу саласындағы заңнаманы түсіндіру, Қоғамның құрылымдық бөлімшелеріне сатып алу саласындағы қолданыстағы нормаларды дұрыс қолдану мақсатында консультация беру, соның ішінде жұмыс барысында ескеру және есепке алу үшін хабарламалар/ұйғарымдарды танып-білу мақсатында порталға мониторинг жүргізу;
• Қоғамның қажеттіліктері үшін тауарларды, жұмыстарды және қызметтерді сатып алу рәсімдерін (бұдан әрі – ТЖҚ) белгіленген тәртіппен ұйымдастыру және өткізуін қамтамасыз ету;
• ТЖҚ сатып алуды жүргізуге арналған өтінімдерді келісу, оның ішінде, бірақ онымен шектелмей: өтінімдердің Қоғамның сатып алу қызметін реттейтін нормаларға сәйкестігін тексеру, ТЖҚ жеткізу орындарының, сатып алу жүзеге асырылатын орындардың, сатып алу тәсілдерінің, сатып алулардың басымдығының, төлем шарттарының, тауарларды жеткізу/қызметтер көрсету/жұмыстарды орындау мерзімдерінің дұрыстығын тексеру, сатып алу затының және ТЖҚ ЕНС кодының сәйкестігін тексеру, сондай-ақ қажет болған жағдайда тендерлік комиссия құрамын келісу, бекіту, сараптамалық комиссия (сарапшы) құрамын қалыптастыру, тендерлік құжаттаманы әзірлеу және тендерлік комиссия хатшысын тағайындау;
• тендерлік өтінімдерді/әлеуетті жеткізушілердің баға ұсыныстарын қарау (бағалау және салыстыру) – олардың Қоғамның сатып алу қызметін реттейтін талаптарға сәйкестігі тұрғысынан;
• сатып алу қызметін реттейтін нормаларға сәйкес шарттарды дайындау, жасасу және орындау бойынша жұмысты жүргізу, сондай-ақ контрагенттер міндеттемелерін бұзған жағдайда әкімшілердің айыппұлдар мен өсімпұлдарды тиісінше ұстап қалуын бақылау, сондай-ақ шарттардың орындалуын қамтамасыз етуге/тендерлік өтінімдерді қамтамасыз етуге уақытылы енгізу/қайтару/ұстап қалу бөлігінде жұмысты ұйымдастыру және бақылауды жүзеге асыру;
• жасалған шарттар бойынша міндеттемелердің уақытылы орындалуын қамтамасыз ету мақсатында шарттарды мониторингтеу және контрагенттер міндеттемелерін бұзған жағдайда әкімшілердің айыппұлдар мен өсімпұлдарды тиісінше ұстап қалуын бақылау;
• Қоғам жүзеге асыратын төлемдерді келісілген шарттарға сәйкестігі тұрғысынан келісу және бақылауды жүзеге асыру;
• берешектерді өндіріп алу бойынша талап-арыздық және өзге де жұмысты жүргізу, сондай-ақ Қазақстан Республикасының заңнамасына және Қоғамның сатып алу қызметін реттейтін басқа да нормаларға сәйкес сенімсіз контрагенттер тізіміне енгізуді қамтамасыз ету;
• басшылық ететін бөлімнің құзыретіне кіретін бұйрықтар, өкімдер және басқа да құжаттардың жобаларын әзірлеу және өзектендіру;
• Қазақстан Республикасының заңнамасына және Қоғамның ішкі құжаттарына сәйкес Қоғам активтерін іске асыру бойынша сауда-саттықты ұйымдастыру және өткізуін қамтамасыз ету;
• Қоғамның берешектері бойынша өзара есеп айырысуларды жүргізуді қамтамасыз ету;
• Тәуекелдерді басқару бағдарламасында көзделген іс-шараларды тиісті деңгейде орындау;
• ішкі бақылау жүйесін және тәуекелдерді басқару жүйесін енгізу мен олардың жұмыс істеуін қамтамасыз ету функциялары кіретін құрылымдық бөлімшеге анықталған тәуекелдердің жай-күйі және тәуекелдерді басқару бойынша іс-шаралардың орындалуы туралы уақтылы әрі толық ақпарат ұсыну;
• Қоғамның сатып алу қызметі бойынша есептілікті уәкілетті органға және «ҚазМұнайГаз» АҚ-на (АО «НК «КазМунайГаз») ұсыну және жасау;
• Қоғам басшылығы оған жүктеген өзге де міндеттерді жүзеге асыру;

Талаптар:

• кадрларды даярлау бағытына сәйкес жоғары білім
• сатып алу саласында кемінде 3 жыл жұмыс тәжірибесі

Қажетті білім дәрежесі

• Бакалавр
• Маман
• Магистр