ЕМГ кен орындарын игеру қызметінің инженері (уақытша болмаған жұмыскерді алмастыру уақытына)

Тиісті қызмет саласындағы жоғары кәсіби білім.

Игеру және геология салаларындағы техникалық білім профилі.

-

-

-

Лауазымдық міндеттерді орындау үшін қажетті білім:

1. Қазақстан Республикасының заңнамасы және қызмет профилі бойынша нормативтік құжаттар (Жер қойнауы және жер қойнауын пайдалану кодексі, Жер қойнауын ұтымды және кешенді пайдалану жөніндегі бірыңғай қағидалар, әртүрлі ПҚД дайындау бойынша әдістемелік нұсқаулар);
2. Бағдарламалық қамтамасыз ету (Microsoft Office (Word, Excel, PowerPoint, Outlook, MS Project), электрондық құжат айналымы жүйесі, 1С және басқа да қажетті бағдарламалар);
3. Ағылшын тілін, оның ішінде техникалық терминологияны меңгергені құпталады;
4. Eclipse, Petrel, Жулдыз бағдарламаларын білу құпталады;
5. Біріктірілген басқару жүйесін басқарудың ұйымдық құрылымдары; ИСО 9000; ИСО 14001; OHSAS 18001 сериялы халықаралық стандарттары;
6. Еңбекті қорғау, қауіпсіздік техникасы және өрт қауіпсіздігі ережелері.

Міндеттерді орындау үшін қажетті дағдылар:

1.    Мұнай алу коэффициентін болжау және талдау;

2.    Көмірсутегі кен орындарының өндіру және айдау қоры бойынша жүргізіліп жатқан геологиялық-техникалық шаралардың мониторингі және талдауы;

3.    Техникалық сауаттылық;

4.    Үлкен көлемдегі ақпаратпен жұмыс істеу біліктілігі;

5.    Өндірісті, қабат қысымын ұстап тұру жүйесін, геологиялық-техникалық іс-шараларды, ұңғыма қорының қозғалысын, кен орындарының энергетикалық жағдайын, қорлардың сарқылуын талдау;

6.    Мұнай алу коэффициентін болжау және талдау, геологиялық және гидродинамикалық модель деректерімен жұмыс істей білу;

7.    Графикалық қосымшалармен жұмыс (талдау және/немесе құрастыру) (изобар, алым, бұрғыланған және жоспарланған ұңғымалар карталары, геологиялық карталар);

8.    Есептерді дайындаудағы аналитикалық тәсіл, жан-жақты талдау үшін игеру тарихы бойынша қолда бар мәліметтерді пайдалану біліктілігі;

9.    Жобалық құжаттардың презентациясын дайындау мен ұсынудың жоғары деңгейі.

Осы лауазым бойынша функционалдық міндеттер:

1. Игеру бойынша жобаларды, игеру бойынша талдауларды, сынақтық пайдалану жобаларын, авторлық қадағалауларды,көмірсітектерді алу коэффициентін техникалық-экономикалық негіздемелеу жүмыстарын құрастыру;

2. Жоғарыдағы 1-тармақта берілген ҒЗЖ бөлімдерін орындау;

3. Нормативтік құжаттарға сәйкес ғылыми өнімді құру;

4. Ілеспе қызметтер бөлімдерінің орындалуын бақылау;

5. Кен орындарын игеру жөніндегі ҚР БИОК бекіткен есептер мен жобалық құжаттарына сәйкес жобалық шешімдерді іске асыру бойынша жер қойнауын пайдаланушылармен жұмысты реттеу;

6. Басшылық пен Тапсырыс берушіге ҒЗЖ орындалуы бойынша есеп беру;

7. Тапсырыс берушімен және ҚР БИОК сарапшыларымен ҒЗЖ жұмыстарын келісу, орындалған жобалар бойынша қорытындылар алу үшін бақылаушы органдармен жұмыс жасау;

8. ҚР БИОК, ҚМК отырыстарында жобаларды қорғау.

Ерекше шарттар

-