БӨАжА инженері

Лауазымдық жауапкершілік:

«Үлбі-ЖБҚ» ЖШС объектілерінде қызмет көрсетілетін БӨАжА жабдықтарының үздіксіз жұмысын қамтамасыз етеді. Ережелерге, нұсқаулықтарға және бұйрықтарға сәйкес өлшеу және автоматтандыру құралдарына техникалық қызмет көрсетуді және жөндеуді қамтамасыз етеді. Өлшеу және автоматтандыру құралдарының техникалық жай-күйін және қауіпсіз пайдалануын бақылауды жүзеге асырады, оның істен шығу себептерін тергеуге қатысады. Өлшеу және автоматтандыру құралдарының істен шығуының есебі мен талдауын жүргізеді, жабдықты пайдалану тәжірибесін қорытындылайды, есептер жасайды. Өлшеу және автоматтандыру құралдарын пайдалануды, техникалық қызмет көрсетуді және жөндеуді жетілдіру бойынша іс-шараларды әзірлейді, техникалық тапсырманы жасайды және оның орындалуын бақылайды. Өлшеу және автоматтандыру құралдарын пайдалану, техникалық қызмет көрсету және жөндеу бойынша технологиялық карталарды, бағдарламаларды, еңбекті ұйымдастыру жобаларын, стандарттар мен нұсқаулықтарды әзірлеуге және енгізуге қатысады, БӨАжА жаңа түрлері мен құралдарын зерттейді. Ұтымды ұсыныстар мен өнертабыстарды қарастырады, өлшеу және автоматтандыру құралдарын пайдалану және жөндеу бойынша озық тәжірибені жалпылайды және таратады. Өлшеу және автоматтандыру құралдарына техникалық қызмет көрсету және жөндеу нормативтері бойынша ұсыныстар әзірлейді. Қосалқы бөлшектерге, материалдарға, аспаптарға және өлшеу құралдарына өтінімдерді жасайды. Өз құзыреті шегінде жаңадан орнатылған жабдықты монтаждан қабылдауға және реттеуге қатысады. Өлшеу және автоматтандыру құралдарына техникалық қызмет көрсету және жөндеу кестесін жасайды. Өлшеу және автоматтандыру құралдарын алдын-ала тексеру және әртүрлі жөндеу кестелерін орындауды қамтамасыз етеді, БӨАжА жүйелерінің жұмысқа қабілеттілігін тексеруге қатысады. Өндірістік бағдарламалардың, жобалардың, кестелердің және іс-шаралардың орындалу барысы туралы ақпаратты дайындайды, оларды іске асыру барысында анықталған ауытқулар немесе бұзушылықтар туралы ІТ және БӨАжА қызметінің бастығын дереу хабардар етеді. Қызмет түрі бойынша және оларды орындау мерзімдері бойынша бекітілген іс-шаралардың орындалуын бақылайды (IT қызметі мен БӨАжА қызметіне қатысты бөлігінде). Жоспарланған жұмыстардың орындалуы туралы ІТ және БӨАжА бастығына есеп береді. Іскерлік хат алмасуға қатысады. «Үлбі-ЖБҚ» ЖШС-ға келіп түсетін техникалық әдебиеттер мен құжаттарды қолданыстағы өндіріс жағдайында қолдану мақсатында зерделейді және талдау жүргізеді. Иондаушы сәулелену көздерін есепке алуды және бақылауды, иондаушы сәулелену көздерін есепке алуға және сақтауға, радионуклидті сәулелену көздерімен жинақталған аспаптарды, аппараттар мен қондырғыларды есепке алуға жауапты адамды тағайындау туралы «Үлбі-ЖБҚ» ЖШС бойынша бұйрық негізінде аспаптарды, аппараттар мен қондырғыларды есепке алуды жүзеге асырады. Жұмыс берушінің тиісті актісі негізінде «Үлбі-ЖБҚ» ЖШС-да белгіленген тәртіппен персоналды оқытуды жүзеге асырады. Жоғары тұрған басшылықтың бұйрықтары мен өкімдерін орындайды. Өзінің тікелей басшысының нұсқаулары мен қызметтік тапсырмаларын орындайды. «Үлбі-ЖБҚ» ЖШС жұмыскерлерінің еңбек тәртібін сақтайды. Құпиялылық режимі, рұқсат беру және объектіішілік режим, мемлекеттік, қызметтік және коммерциялық құпияны сақтау, ақпараттық қауіпсіздік, еңбек және өндірістік тәртіп талаптарын сақтайды. Өндірістік қауіпсіздік және еңбекті қорғау, қоршаған ортаны қорғау, ЯҚ, РҚ, өрт қауіпсіздігі және жұмыстарды жүргізу кезінде қауіпсіздікті қамтамасыз ету бойынша өндіріс мәдениеті талаптарын сақтайды. Лауазымдық міндеттерді орындау кезінде пайдаланылатын «Үлбі-ЖБҚ» ЖШС материалдық құндылықтарының сақталуын қамтамасыз етеді.

Білім:

Техникалық және кәсіби/Жоғарғы немесе ЖОО кейін (техникалық)

Дағдылар:

Пайдаланушы деңгейінде ЖК және басқа да оргтехника құралдарын меңгеру. Іскерлік хат және іскерлік қарым-қатынас дағдылары.

Қосымша:

Жұмыс және демалыс режімі: -қалыпты еңбек жағдайларында аптасына 40 (қырық) сағаттан аспайды, жұмыс уақытының қысқартылған ұзақтығы аптасына 36 (отыз алты) сағаттан аспайды, демалыс күндері сенбі және жексенбі күндері 5 күндік жұмыс аптасы кезінде немесе бекітілген ауысым кестесіне сәйкес; Еңбек шарттарының сипаттамасы: иондаушы сәулеленудің әсерінен болатын қалыпты және мерзімді зиянды еңбек жағдайлары;

Білетін тілдер:

-