ЭКОНОМИСТ (ЖОБАЛАУ-СМЕТАЛЫҚ ҚҰЖАТТАМАЛАР ЖӨНІНДЕГІ)

Болуы тиіс:  

• І санаттағы экономист: тиісті мамандығы бойынша жоғары (немесе жоғарыдан кейінгі) білімі және ІІ санаттағы экономист лауазымында кемінде 2 жыл жұмыс өтілі;
• ІІ санаттағы экономист: тиісті мамандығы бойынша жоғары (немесе жоғарыдан кейінгі) білімі және санаты жоқ экономист лауазымында кемінде 3 жыл жұмыс өтілі;
• Экономист: жұмыс өтіліне талап қойылмайтын тиісті мамандығы бойынша жоғары (немесе жоғарыдан кейінгі) білімі немесе тиісті мамандығы (біліктілігі) бойынша орташа техникалық және кәсіби (орта арнайы, орта кәсіби) білімі және І санаттағы техник лауазымында кемінде 3 жыл жұмыс өтілі.

Білуі тиіс:      

• Қазақстан Республикасының құрылыстағы баға белгілеу және сметалық нормалау саласындағы заңдарын және басқа да нормативтік-құқықтық актілерін;
• құрылыс нормалары мен қағидаларын, құрылыстағы стандарттарды;
• жобалау құжаттамасын әзірлеуді ұйымдастыруды, оны келістіру және бекіту тәртібін;
• ғимараттар мен құрылыстарды сәулеттік және технологиялық жобалау негіздерін;
• құрылыс процестерінің және өндіріс технологиясын;
• құрылыс өндірісін ұйымдастыруды;
• инвестициялық-құрылыс процесінің әртүрлі сатыларындағы сметалық құжаттаманың құрамын, мазмұнын, әзірлеу және келісу тәртібін;
• құрылысты қаржыландыру тәртібін;
• саланың экономикасын, еңбекті ұйымдастыруды;
• құрылысты басқару негіздерін;
• сметалық есептерді жасау процесін автоматтандыруға арналған қолданбалы бағдарламалық өнімдерді;
• қауіпсіздік және еңбекті қорғау, өнеркәсіптік санитария және өртке қарсы қауіпсіздік жөніндегі қағидалар мен нормаларды, ҚР табиғатты қорғау заңнамасын.

Қажетті дағдылар:

• компьютерде жұмыс істеу дағдылары (жұмысқа қажетті арнай бағдарламаларды білуі: MS Office, SAP R3, ПК АВС)
• жұмыстарды жоспарлау және ұйымдастыру дағдылары.