"ҚТЖ "ҰК" АҚ - "Жамбыл магистральдық желі бөлімшесі" филиалының Шу жол дистанциясының бастығы

Жалақы көрсетілмеген

Шуская дистанция пути Жамбыл облысы

Қажетті жұмыс тәжірибесі: 6 жылдан Еңбекпен толық қамтылу, Толық күн

Бос орын ашық

Құрылған күні:: 22.06.2026
Берілген өтінім:: 0
Қаралған саны:: 28

Конкурс туралы

Құрметті талапкер!

Бос жұмыс орнына жауап бермес бұрын, Сізден, конкурстық іріктеудің міндетті шарттарымен танысуыңызды сұраймыз:

Білім, тәжірибе, дағдылар және тағы басқа ұсынылатын деректердің дұрыстығына жұмыс іздеуші жауапты болады.

Лауазымға қойылатын біліктілік талаптарына сәйкес келетін түйіндемеде білімі мен жұмыс тәжірибесі туралы нақты мәліметтер болмаған жағдайда, «ҚТЖ» ҰК» АҚ рекрутері ізденушіні конкурстық іріктеуге қатысуға жібермейді.
Еңбек заңнамасының талаптарын ескере отырып, Сізге тиісті хабарлама берілген күннен бастап 5 (бес) жұмыс күні ішінде сыбайлас жемқорлық қылмыс жасағаны туралы мәліметтердің жоқтығы туралы анықтама беру қажет.

Анықтама өзекті ақпаратты қамтуға тиіс және конкурстық іріктеу өткізілгенге дейін 2 (екі) айдан ерте алынбауға тиіс. Анықтаманы Egov электрондық порталы арқылы «Жұмысқа орналастыру және жұмыс іздеу» бөлімінен алуға болады.
Егер Сіз басшылық/басқарушылық лауазымға үміткер болсаңыз, онда «ҚТЖ» ҰК» АҚ рекрутерінің сұрауы бойынша компанияға үлестестігі мен мүдделер қақтығысын тексеру үшін ұсынылған шаблондарға сәйкес 3 (үш) жұмыс күні ішінде мынадай құжаттарды ұсыну қажет:
1. мүдделер қақтығысы туралы декларация;
2. үміткер мен оның жұбайының активтері мен міндеттемелері туралы декларацияны тапсыру туралы мәліметтер (хабарлама);
3. үміткер анкетасы.
Егер Сіз «ҚТЖ» ҰК» АҚ бос жұмыс орындарына qsamruk.kz платформасы арқылы жауап берсеңіз, Сізден job.railways.kz платформасындағы түйіндемеңіз өзекті ақпаратты қамтитынына көз жеткізуіңізді сұраймыз.

Сізден жеке кабинеттегі тиісті хабарламаларды қарап отыруды сұраймыз.

Маңызды!

«ҚТЖ» ҰК» АҚ бос орындарға қызметкерлерді қабылдау/ауысудың әділ және ашық процесін жүзеге асырады.

Егер таңдаудың қандай да бір кезеңінде сізге қандай да бір ақшалай немесе басқа сыйақы үшін жұмысқа қабылдауға/аударуға көмектесу ұсынылса/кеңес болса - бұл алаяқтық!

Сіздерді алаяқтық схемаларға қатысудан және күнделікті сыбайлас жемқорлыққа үлес қоспаудан сақ болуға шақырамыз.

Осындай жағдайларды дереу 8 800 080 47 47 сенім телефонына және WhatsApp 8 771 191 88 16 телефондарына хабарлаңыз. Немесе mail@sk-hotline.kz электронды поштасына немесе ҚТЖ ҚОҚ ISPB мобильді қосымшасына хабарлаңыз.

Лауазымдық міндеттер:

Дистанцияға қызмет көрсету шекараларында поездар қозғалысының қауіпсіздігін қамтамасыз ету, еңбекті қорғау және өндірістік қауіпсіздік талаптарын сақтау жөніндегі жұмыстарды ұйымдастыру;
Компания мен Дирекцияның жергілікті актілеріне сәйкес поездар қозғалысы қауіпсіздігін қамтамасыз етуді ұйымдастырудағы негізгі нормативтерді орындау;
жұмыс басшыларының жолды ағымдағы күтіп ұстау жөніндегі жұмыстарды орындау қағидалары мен технологиясын, аралықтарда және Дистанция шегіндегі темір жол станцияларында жол жұмыстарын жүргізу кезінде поездар қозғалысының қауіпсіздігін қамтамасыз ету жөніндегі талаптарды сақтауын тексеруді жүзеге асыру;
көктемгі, күзгі тексеруді, жолды нақты тексеруді ұйымдастыру және жүргізу;
кезекті еңбек демалысынан шыққан поездар қозғалысына байланысты қызметкерлердің поездар қозғалысының қауіпсіздігін қамтамасыз ету жөніндегі нұсқаулықтарды, ережелерді білуіне нұсқама, тексеру жүргізу;
жолды жөндеу сапасын тексеру, күрделі жөндеуді орындағаннан кейін жолды қабылдауды жүзеге асыру;
қозғалыс қауіпсіздігінің жай-күйіне, қозғалыс қауіпсіздігін қамтамасыз ету жөніндегі перспективалық жоспарлар мен жобаларға талдау жүргізу;
нормативтік құжаттарда белгіленген тәртіппен қозғалыс қауіпсіздігінің бұзылу жағдайларын тексеруге қатысу, қозғалыс қауіпсіздігінің жай-күйін қарай отырып, авариясыз жұмысты қамтамасыз ету жөніндегі шараларды іске асыру туралы есеппен кеңейтілген (тораптық) кеңестерге қатысу.

Біліктілік талаптары:

Білімі: жоғары (немесе жоғары оқу орнынан кейінгі).
Сала мамандығы: Құрылыс (Темір жол құрылысы, жол және жол шаруашылығы, Көпірлер және көлік тоннелі); Көлік құрылысы; Көлік, көлік техникасы және технологиялары (Көтергіш-көлік, құрылыс, жол машиналары мен жабдықтары).
Жұмыс тәжірибесі: кемінде 7 жыл, оның ішінде басшы лауазымдарда кемінде 5 жыл.