Лауазымдық міндеттер:

1. Еңбек және атқарушылық тәртіпті, ішкі еңбек тәртібі қағидаларын және жұмыс режимін сақтау;
2. Осы лауазымдық нұсқаулықта көзделген еңбек міндеттерін сапалы әрі уақтылы орындау;
3. ЭЧЦ жұмысының жоспарларын орындау;
4. Басшылықтың тапсырмаларын орындау;
5. Қызметтік құжаттарды қарау және шешімдер қабылдау кезінде бюрократия көріністеріне жол бермеу, сондай-ақ олар бойынша Компанияның, Дирекцияның жергілікті актілерінде белгіленген мерзімдерде қажетті шаралар қабылдау;
6. Еңбек шартының, корпоративтік басқару кодексінің және Компанияның өзге де жергілікті актілерінің талаптарын сақтау;
7. Жалпыға бірдей қабылданған моральдық-этикалық нормаларға сәйкес белгіленген іскерлік этика және корпоративтік мәдениет нормаларын сақтау;
8. Кәсіби қасиеттерін жетілдіру, еңбек міндеттерін орындау кезінде бастамашылдық пен шығармашылық көзқарас таныту, озық тәжірибені пайдалану, әріптестеріне еңбек міндеттерін орындау кезінде қолдау көрсету;
9. Қазақстан Республикасы заңнамасының, мемлекеттік органдар актілерінің, Жалғыз акционердің актілері мен Компания қызметіне қатысты өзге де құжаттардың нормалары мен талаптарын сақтау;
10. Компанияның құпиялылық нормаларын бұзбай, шынайы ақпаратты уақтылы ұсыну;
11. Пайдалануындағы мүлікке ұқыпты қарау және оның сақталуын қамтамасыз ету, сондай-ақ басқа қызметкерлердің мүлкіне ұқыпты қарау;
12. Жұмыс орнында еңбек қауіпсіздігі және еңбекті қорғау, өрт қауіпсіздігі мен өндірістік санитария талаптарын сақтау;
13. Электрмен жабдықтау құрылғыларының үздіксіз жұмысын қамтамасыз ету;
14. Поездық диспетчермен бірлесіп, поездар қозғалысымен байланысты электрмен жабдықтау құрылғыларын жөндеу және күтіп ұстау жөніндегі барлық өтінімдер мен өкімдерді ресімдеу және оларды жедел журналға тіркеу;
15. Өзіне бекітілген учаскедегі электрмен жабдықтау сұлбаларының электрмен жабдықтау дистанциясының бастығы бекіткен қоректендіру сұлбаларына, қосалқы станциялардың, электр беру желілерінің және электрмен жабдықтаудың басқа да құрылғыларының сұлбаларына сәйкестігін бақылау. Бекітілген қоректендіру сұлбаларынан ауытқуға тек жұмыстарды орындау немесе жекелеген элементтердің ақауларын жою кезінде ғана жол беріледі. Электрмен жабдықтау құрылғыларының қоректендіру сұлбаларындағы барлық өзгерістерді энергодиспетчер энергодиспетчерлік пункт бойынша тәуліктік ведомосқа тіркейді. Ал 12 сағаттан астам уақытқа созылатын өзгерістер туралы электрмен жабдықтау дистанциясының басшылығына, аға энергодиспетчерге және қатысы бар электрмен жабдықтау аудандарының (РЭС), релелік реттеу құрылғылары бөлімшелерінің (РРУ) қызметкерлеріне хабарлайды;
16. Электрмен жабдықтау құрылғылары мен СЦБ және бойлық электрмен жабдықтау желілерінің қалыпты жұмысы бұзылған жағдайда, жекелеген учаскелер қысқа тұйықталу токтарынан қорғалмай қалатын сұлбалар бойынша өлшеу аспаптарының көрсеткіштерін бақылау жөнінде электрмен жабдықтау ауданының кезекші қызметкерлеріне тапсырма беру;
17. Электрмен жабдықтау құрылғыларының зақымданғаны туралы хабарлама алған кезде, зақымданудың сипаты мен көлемін анықтау үшін электрмен жабдықтау дистанциясының қызметкерлерін дереу жіберу. Сонымен қатар электрмен жабдықтау құрылғылары зақымданған учаскені ажырату, зақымдануды мүмкіндігінше қысқа мерзімде жою және электрмен жабдықтаудың үздіксіз жұмысын қалпына келтіру жөнінде шаралар қабылдау;
18. Зақымдануларды жоюға байланысты барлық жедел келіссөздерді селекторлық байланыс арқылы, қажет болған жағдайда ұялы байланыс арқылы жүргізу. Қажетті жағдайларда поездық диспетчердің рұқсатымен радиобайланысты пайдалану;
19. Поездар қозғалысының бұзылуына әкеп соққан зақымданулар кезінде олардың сипатына қарай поездық диспетчермен бірлесіп, поездарды өткізудің барынша тиімді тәртібін белгілеу, ал ерекше жағдайларда жекелеген аралықтарда, станцияларда немесе станциялық жолдарда поездар қозғалысын жабу;
20. Электрмен жабдықтау құрылғыларының зақымдану көлеміне қарай зақымданған жерге қалпына келтіру автомотрисаларын, дрезиналарды, автолетучкаларды немесе жолай өтетін поездарды жіберу. Қалпына келтіру құралдарын жөнелту үшін белгіленген тәртіппен поездық диспетчерге өтінім беру және олардың уақтылы жөнелтілуін бақылау, қажет болған жағдайда қалпына келтіру поезын жіберу жөнінде шаралар қабылдау;
21. Қалпына келтіру жұмыстарының басшысымен тұрақты байланыста болу және жұмыстарды жеделдету жөнінде шаралар қабылдау. Қалпына келтіру жұмыстарының басшысының талабы бойынша электрмен жабдықтау дистанциясының басқа бөлімшелерінен қосымша қалпына келтіру құралдары мен бригадаларды жіберу. Зақымдану көлемі ауқымды болған жағдайда, магистральдық желі бөлімшелерінің диспетчеріне және поездық диспетчерге магистральдық желі бөлімшелерінің қалпына келтіру поездарының, жол дистанцияларының, сигнал беру және байланыс дистанцияларының, сондай-ақ «ҚТЖ – Жүк тасымалы» жауапкершілігі шектеулі серіктестігі филиалының локомотив пайдалану депосының қызметкерлерін қалпына келтіру жұмыстарына тарту жөнінде өтінім беру;
22. Электрмен жабдықтау құрылғыларындағы жөндеу немесе қалпына келтіру жұмыстары аяқталғаннан кейін поездық диспетчерге шектеуді алып тастау немесе поездарды өткізуге салынған тыйымды жою туралы дереу хабарлама беру;
23. Электрмен жабдықтау құрылғыларының, оның ішінде телемеханика құрылғылары жұмысының бұзылуының барлық жағдайларын тіркеу. Зақымданудың уақыты мен сипатын, шақырту уақытын, қалпына келтіру бригадаларының шыққан және зақымданған жерге келген уақытын, электрмен жабдықтау құрылғыларының ішінара және толық қалпына келтірілген уақытын, сондай-ақ поездардың кідіру жағдайларын жазу;
24. Жылжымалы құрамның рельстен шығуы немесе соқтығысуы кезінде, егер электрмен жабдықтау құрылғылары зақымданбаса, қалпына келтіру жұмыстары барысында электрмен жабдықтау құрылғыларының сақталуын қамтамасыз ету үшін өз бетінше жұмыс істеу құқығы бар электрмен жабдықтау ауданының (РЭС) қызметкерлерін оқиға орнына жіберу. Қажет болған жағдайда кернеуді алып тастау және жерге тұйықтағыштарды орнату жұмыстарын ұйымдастыру;
25. Поездар қозғалысының кідіруіне әкеп соққан электрмен жабдықтау құрылғылары жұмысының барлық бұзылулары туралы электрлендіру және энергетика департаментінің кезекшісіне, магистральдық желі бөлімшесінің диспетчеріне, поездық диспетчерге, электрмен жабдықтау дистанциясының бастығына және дистанция бастығы бекіткен тізбеде көрсетілген тұлғаларға, сондай-ақ орталық немесе бас энергодиспетчерге дереу хабарлау. Сонымен қатар Мемлекеттік энергетикалық қадағалау органының басшылығына бұзушылық туындаған сәттен бастап бір сағат ішінде телефон арқылы, ал 12 сағаттан кешіктірмей жазбаша түрде хабарлау;
26. Орталық немесе бас энергодиспетчерлік пункттерге белгіленген тәртіппен және уақтылы есепті кезеңдегі барлық жағдайлар туралы ақпарат беру: жазатайым оқиғалар, электрмен жабдықтау құрылғыларының зақымдануы, электрмен жабдықтау құрылғыларының ақауларына байланысты поездардың кідіруі, сыртқы электрмен жабдықтау сұлбаларының өзгеруі, сондай-ақ электрлендіру және электрмен жабдықтау құрылғылары зақымданбаған апаттар мен табиғи апаттар туралы мәліметтерді хабарлау;
27. Барлық жоспарлы жұмыстардың, сондай-ақ келіп түскен өтінімдер бойынша жұмыстардың орындалуын қамтамасыз ету жөнінде шаралар қабылдау. Өтінімде көрсетілген уақытта жұмысты орындау мүмкін болмаған жағдайда, бригадалардың өнімсіз бос тұруына жол бермеу үшін жұмыс басшыларын уақтылы хабардар ету;
28. Электрмен жабдықтау құрылғыларында жұмыстар жүргізу үшін берілетін технологиялық «терезелерді» барынша толық пайдалануды қамтамасыз ету. Жөндеу бригадаларын жұмысқа дайындау үшін РЭС және РРУ бастықтарын, сондай-ақ жұмыс басшыларын технологиялық «терезелердің» берілуі туралы алдын ала хабардар ету;
29. Кернеуді алып тастауды талап ететін жұмыстарды орындауға жұмыс істейтін қызметкерлердің қауіпсіздігін қамтамасыз ететін қажетті ауыстырып-қосулар жүргізілгеннен кейін ғана рұқсат беру;
30. Станцияларда СЦБ құрылғыларын ажыратуға және кернеуді алып тастауға байланысты жұмыстарды орындау кезінде:

• Кезекші станция қызметкері бар учаскелерде кернеуді алып тастау туралы бұйрықты жұмыс басшысынан станция кезекшісіне жұмысты орындауға рұқсат берілгені туралы хабарлама алынғаннан кейін ғана беру. Хабарламада жұмыс уақыты және жолдарды, бағыттамалық бұрмаларды, СЦБ, байланыс және түйіспе желісі құрылғыларын тексеру журналының (ДУ-46 нысаны) тиісті жазбасы көрсетілуі тиіс;
• Диспетчерлік орталықтандырумен жабдықталған учаскелерде, станция кезекшісі болмаған жағдайда, кернеуді алып тастау және жұмысты орындау туралы бұйрықтарды поездық диспетчердің рұқсатын алғаннан кейін ғана беру, содан соң диспетчерлік өкімдер журналына тиісті жазба енгізу;

31. Автоблокировканың негізгі немесе резервтік желісін ажыратуға байланысты жұмыстарды орындау кезінде бұл жұмыстардың сигнал беру және байланыс дистанциясының басшылығымен алдын ала келісілгеніне көз жеткізу. Келісу жұмысты орындау күнінің алдындағы күні ресімделуі тиіс. Ажыратылатын желі учаскесіндегі сигналдық нүктелердің қоректенуінің жарамдылығын тексеру. Автоблокировканың негізгі немесе резервтік желісі авариялық түрде ажыратылған жағдайда, бұл туралы сигнал беру және байланыс

32. Электрлендіру және электрмен жабдықтау құрылғыларында жұмыстар жүргізуге арналған бұйрықтар мен рұқсаттарды тек электрмен жабдықтау дистанциясының бастығы бекіткен тізімде көрсетілген, жедел ауыстырып-қосуды жүргізуге және жұмыстарды өз бетінше орындауға құқығы бар тұлғаларға ғана береді.

    33. «ҚТЖ» ҰК» АҚ-ның басқа филиалдарының қызметкерлеріне электрмен жабдықтау құрылғыларындағы ауыстырып-қосуларды жүргізу туралы бұйрықтарды осы филиалдардың басшылары бекіткен тізімдерге сәйкес береді;
    34. Электрмен жабдықтау құрылғыларында жұмыстар жүргізу кезінде жазатайым оқиға орын алған жағдайда, электрмен жабдықтау құрылғыларынан кернеуді дереу алып тастайды және зардап шеккендерге көмек көрсету жөнінде шаралар қабылдайды.

    Шұғыл медициналық көмекке мұқтаж адамдарды медициналық ұйымға жеткізу үшін оларды автомотрисамен, дрезинамен, автокөлікпен және басқа да көлік құралдарымен немесе бірінші жүріп өтетін поезбен тасымалдауды қамтамасыз етеді;

    35. Қолайсыз метеорологиялық жағдайлардың (көктайғақтың пайда болуы, желдің күшеюі, температураның күрт төмендеуі) басталғаны туралы хабарлама алған кезде «Қазақстан темір жолы» ұлттық компаниясы» акционерлік қоғамының жалпыға ортақ пайдаланылатын теміржолдарында қолайсыз метеорологиялық жағдайлар туындаған және авариялық, штаттан тыс жағдайлар орын алған кезде поездар қозғалысына байланысты қызметкерлер мен локомотив бригадалары қызметкерлерінің өзара іс-қимыл жасау қағидаларына сәйкес әрекет етеді. Аталған қағидалар 2019 жылғы 4 қарашадағы № 811-ЦЗ бұйрығымен бекітілген;
    36. Бойлық электр беру желілеріндегі және сигнал беру, орталықтандыру мен бұғаттау (СЦБ) құрылғыларын электрмен жабдықтау желілеріндегі кернеу деңгейінің күрт төмендегені туралы хабарлама алған кезде, кернеудің төмендеуіне себеп болған мән-жайларды дереу анықтайды және электрмен жабдықтау құрылғыларының қалыпты жұмыс режимін қалпына келтіру жөнінде шаралар қабылдайды;
    37. Поездар қозғалысына әсер ететін электр беру қоректендіру желілері зақымданған және энергиямен жабдықтаушы ұйым тарапынан электрмен үздіксіз жабдықтау бұзылған жағдайда:

    Энергиямен жабдықтаушы ұйымның диспетчерімен дереу байланыс орнатады және қалпына келтіру жұмыстарын мүмкіндігінше қысқа мерзімде жүргізу мен кернеуді беруді қалпына келтіру бойынша бірлескен іс-қимыл жоспарын келіседі;

    Зақымданған жерлерді анықтау үшін электрмен жабдықтау дистанциясының қызметкерлерін тарта отырып, қажетті шаралар қабылдайды;

    Энергиямен жабдықтаушы ұйым диспетчерінің өтінімі бойынша оның персоналына ауыстырып-қосу жұмыстарын жүргізуге және зақымдануларды жоюға көмек көрсетеді;

    Қалпына келтіру жұмыстарын орындауға қажетті көмек көрсету үшін электрмен жабдықтау дистанциясының тиісті қызметкерлері мен авариялық-қалпына келтіру құралдарын тартады. Энергиямен жабдықтаушы ұйымның қалпына келтіру бригадасын жіберу қажет болған жағдайда, поездық диспетчерге станция кезекшісіне бригаданы жолаушылар немесе жүк поезына отырғызу туралы бұйрық беру жөнінде өтінім береді. Қажет болған жағдайда, бригаданы отырғызу және түсіру үшін поезды тоқтату туралы өтінім береді;

    Сыртқы электрмен жабдықтау жағынан кернеудің алынуы, электрмен жабдықтау құрылғыларындағы кернеу деңгейінің төмендеуі немесе жоғарылауы жағдайларының барлығын тіркейді;

    38. Энергодиспетчерлік пункт бойынша жұмыстың тәуліктік ведомосын жүргізеді, сондай-ақ жедел журналда өтінімдерді, бұйрықтарды және хабарламаларды ресімдейді;
    39. Энергодиспетчер электрмен жабдықтау құрылғыларымен жергілікті жерде танысу мақсатында қызмет көрсетілетін учаскеге мезгіл-мезгіл барып тұрады. Әрбір энергодиспетчер жылына бір рет өзінің диспетчерлік шеңбері шегіндегі барлық электрмен жабдықтау аудандарының (РЭС) және релелік реттеу құрылғылары бөлімшелерінің (РРУ) жұмысымен танысу үшін оларға баруға міндетті.

    
    
    
    

Қажетті білім дәрежесі

• Бакалавр
• Техникалық және кәсіптік білім беру