Инвестициялар жөніндегі басқарушы директор

1. Бизнес-стратегияны әзірлеуге жәрдемдесу

Компанияның бекітілген бизнес-жоспарлау циклі шеңберінде инвестициялық қызметке қатысты жаңа нормативтік құжаттарды әзірлеуді немесе қолданыстағы құжаттарды өзектендіруді, инвестициялық жобалардың қолданыстағы портфелін бағалауды, сондай-ақ өндірістік қуаттарды ұлғайтуға және Компанияның бәсекеге қабілеттілігін арттыруға мүмкіндік беретін жаңа және перспективалы жобаларды жоспарлауды қамтамасыз ету бөлігінде Компанияның даму стратегиясын әзірлеуге қатысады.

2. Инвестициялық қызметтің тиімділігін арттыру

Компания стратегиясының мақсаттарына қол жеткізу және Компаниялар тобының инвестициялық қызметінің тиімділігін арттыру мақсатында Компанияның және еншілес әрі тәуелді ұйымдардың инвестициялық процесінің әдіснамасын, инвестициялық қызметке қатысты қолданыстағы ішкі нормативтік құжаттарды әзірлеуді және өзектендіруді бақылайды, сондай-ақ Компанияның және еншілес әрі тәуелді ұйымдардың қызметкерлеріне Компанияның/«Самұрық-Энерго» АҚ-ның ішкі нормативтік құжаттарының талаптарын түсіндіру, инвестициялық жобалардың қаржылық модельдерін әзірлеу мәселелері бойынша оқытуды ұйымдастыруды қамтамасыз етеді.

3. Стратегиялық маңызы бар еншілес және тәуелді ұйымдардың және Компанияның инвестициялық бағдарламасын басқару

Компанияның инвестициялық бағдарламасын жоспарлау шеңберінде тиімді инвестициялық жоспарлауды енгізу мақсатында еншілес және тәуелді ұйымдарға инвестициялық бағдарламаларды дайындауда қолдау көрсетеді, Компанияның және еншілес әрі тәуелді ұйымдардың активтерін жұмысқа жарамды күйде ұстауға бағытталған күрделі салымдардың тиімділігін бағалауды, еншілес және тәуелді ұйымдардың күрделі шығындарын талдауды бақылауды жүзеге асырады, инвестициялық бағдарламаларды келісу процесін және Компаниялар тобы бойынша күрделі шығындарды шоғырландыру процесін бақылайды, сондай-ақ инвестициялық бағдарламалардың орындалуына мониторинг жүргізуді қамтамасыз етеді.

4. Инвестициялық жобаларды бағалау

Компания қызметінің стратегиялық бағыттарына сәйкес Компанияның және еншілес әрі тәуелді ұйымдардың жаңа, перспективалы және іске асырылып жатқан инвестициялық жобаларын талдау және бағалау процесіне басшылық жасайды, сондай-ақ басқарушылық шешімдер қабылдау үшін қажетті ақпаратты ұсыну және Компания мен еншілес әрі тәуелді ұйымдардың инвестициялық қызметінің тиімділігін қамтамасыз ету мақсатында инвестициялық жобалардың қаржылық модельдерін әзірлеу процестерінің сапалы әрі уақтылы орындалуын бақылайды.

5. Инвестициялық жобаларды құрылымдау

Корпоративтік саясаттар шеңберінде Компания жетекшілік ететін инвестициялық жобаларды құрылымдауды жүзеге асырады, сондай-ақ Стратегия, экономика және қаржы жөніндегі басқарушы директормен бірлесіп еншілес әрі тәуелді ұйымдардың жобаларын іске асыру үшін қаржыландыру өнімдері мен қаржыландыру тәсілдерін айқындауды қамтамасыз етеді.

6. Халықаралық ынтымақтастық және жиынтық-талдамалық қызмет

Компания стратегиясының мақсаттарына қол жеткізу үшін серіктестік қатынастарды дамытуға, басқарушылық шешімдерді дайындауға және Компанияның инвестициялық күн тәртібін ішкі және сыртқы алаңдарда таныстыруға жүйелі тәсілді қамтамасыз ете отырып, Инвестициялық блоктың сыртқы өзара іс-қимылы мен стратегиялық талдамалық қызметін жалпы үйлестіруді жүзеге асырады.

Компанияның инвестициялық бағдарламасын іске асыру шеңберінде инвестициялық жобаларға тиімді мониторинг жүргізуді енгізу мақсатында Компанияның Басқарушылық есептілік жүйесіндегі инвестициялық витринаны толтырудың бақылануын қамтамасыз етеді.

Жобаларды дамыту

Компания қызметінің стратегиялық бағыттарына сәйкес Компанияның тұрақты инвестициялық жобалар қоржынын (investment pipeline) қалыптастыру мақсатында инвестициялық жобаларды бастамашылық ету мен дамытуды, жобаларды инвестицияға дейінгі және инвестициялық пысықтауды, жобалар мен әріптестік модельдерін құрылымдауды, мемлекеттік органдармен өзара іс-қимылды (GR) және жобаларды институционалдық сүйемелдеуді, сондай-ақ даму сатысындағы жобаларды басқаруды бақылайды.

8. Инвестициялар тарту

Бекітілген перспективалы жобалар портфелі шеңберінде инвесторларды іздестіруді қамтамасыз етеді және қажетті инвестициялар көлемін тарту мақсатында әлеуетті инвесторлармен келіссөздерге қатысады.

9. Жобаларды іске асыру мониторингі

Бекітілген инвестициялық бағдарлама шеңберінде ағымдағы көрсеткіштердің жоспарланған көрсеткіштерден ауытқуын анықтау және тиісті түзету шараларын әзірлеу мақсатында еншілес әрі тәуелді ұйымдар жобаларының іске асырылу кезеңіндегі орындалуын бақылауды және бюджет қаражатының игерілуіне мониторинг жүргізуді жүзеге асырады, сондай-ақ пайдалану кезеңінде жобалардың жоспарланған тиімділік көрсеткіштеріне қол жеткізілуіне мониторинг жүргізуді қамтамасыз етеді.

Еншілес әрі тәуелді ұйымдардың қызметін бекітілген тиімділік параметрлеріне сәйкес талдайды және олардың, сондай-ақ тұтастай алғанда Компания қызметінің тиімділігін арттыру жөнінде ұсынымдар әзірлейді.

«Самұрық-Энерго» АҚ-ның 2060 жылға дейінгі Энергетикалық көшу бағдарламасын және «Самұрық-Энерго» АҚ-ның Климаттық корпоративтік басқару саясатын іске асыру шеңберінде Компанияның даму стратегиясына және ішкі құжаттарына сәйкес декарбонизациялауға, жаңартылатын және баламалы энергетиканы дамытуға бағытталған инвестициялық жобаларды әзірлеуге және іске асыруға жауапты болады.

Комплаенс тәуекелдерін басқару

Қазақстан Республикасының заңнамасына және «Самұрық-Қазына» АҚ тобының Комплаенс функциясы жөніндегі корпоративтік стандартына сәйкес жетекшілік ететін құрылымдық бөлімшелер мен процестерде сыбайлас жемқорлықтың алдын алу және оған қарсы іс-қимыл жүйелерін құру және іске асыру үшін жауапты болады.

Қолданыстағы және туындауы мүмкін сыбайлас жемқорлық тәуекелдеріне уақтылы ден қоюды, комплаенс мәдениетін, сыбайлас жемқорлыққа қарсы іс-қимыл қағидаттарын және құқық бұзушылықтарға төзбеушілік мәдениетін ілгерілетуді қамтамасыз ету мақсатында сыбайлас жемқорлыққа қарсы менеджмент жүйесін, оның ішінде саясат пен мақсаттарды әзірлеуді, енгізуді, жұмысқа қабілетті күйде ұстауды және қайта қарауды қамтамасыз етеді.

Жетекшілік ететін құрылымдық бөлімшелердің процестерінде комплаенс саясаттарының талаптарының сақталуын, жетекшілік ететін процестердегі комплаенс (оның ішінде сыбайлас жемқорлық) тәуекелдеріне сапалы әрі уақтылы талдау жүргізуді, оларды төмендету (митигациялау) жөніндегі іс-шараларды әзірлеу мен іске асыруды, сондай-ақ сыбайлас жемқорлық тәуекелдерінің индикаторлары ретінде айқындалған оқиғаларға уақтылы ден қоюды қамтамасыз етеді.

Жауапты қызметкерлердің комплаенс және сыбайлас жемқорлыққа қарсы іс-қимылдың түрлі аспектілері бойынша оқытудан өтуі арқылы олардың біліктілігін тұрақты арттыруына, сыбайлас жемқорлыққа қарсы қызметтің, оның ішінде жауапты қызметкерлердің құзыреттеріне қатысты құжаттаманың тиісінше жүргізілуіне бақылауды жүзеге асырады.

Компания қызметкерлерінің құрылымдық бөлімшесіне немесе басқару деңгейіне қарамастан комплаенс саясаттарының талаптарын және Қазақстан Республикасының заңнамасын бұзу фактілері туралы өзіне белгілі болған ақпаратты Комплаенс-офицерге уақтылы хабарлауды, сондай-ақ Комплаенс-офицер сұратқан есептерді, ақпаратты және құжаттарды уақтылы ұсынуды қамтамасыз етеді.

Тікелей бағынысты қызметкерлер сыбайлас жемқорлық құқық бұзушылықтарын немесе қылмыстарын жасаған жағдайда, егер бағынысты қызметкер жасаған сыбайлас жемқорлық қылмысы мен басшының сыбайлас жемқорлық құқық бұзушылықтарының алдын алу жөніндегі лауазымдық міндеттерін орындамауы немесе тиісінше орындамауы арасында байланыс анықталса, жауапты болады.

11. Негізгі ішкі және сыртқы өзара іс-қимылды басқару

Функционалдық міндеттерін орындау шеңберінде негізгі шешім қабылдайтын тұлғалармен және мүдделі тараптармен өзара қарым-қатынастарды қалыптастырады және дамытады, тиімді шешімдер қабылдауға және Компанияның мүдделерін қорғауға жәрдемдесу мақсатында әріптестермен, серіктестермен және Қор өкілдерімен серіктестік байланыстар желісін қалыптастырады және қолдайды.

12. Жетекшілік ететін қызмет бағыттары бойынша тәуекелдерді басқару

Тәуекелдерді басқару мақсатында және Қоғамның Тәуекелдерді басқару саясатына, сондай-ақ тәуекелдерді сәйкестендіру және бағалау қағидаларына сәйкес жетекшілік ететін бағыттар бойынша тәуекелдерді сәйкестендіру және бағалау жөніндегі жұмысты ұйымдастырады және бақылайды.

13. Жетекшілік ететін құрылымдық бөлімшелердің қызметін басқару

Жетекшілік ететін бағыттардың тиімділігін қамтамасыз ету мақсатында құрылымдық бөлімшелердің жұмыс жоспарларын бекітеді, қызметкерлерге мақсаттар белгілейді, қызметкерлерді іссапарға жіберу туралы шешімдер қабылдайды, бөлімшелер ұсынатын есептіліктің уақтылығы мен сапасына бақылау жүргізеді. Жетекшілік ететін құрылымдық бөлімшелер қызметкерлерінің қызмет нәтижелілігін бағалайды.

• Менеджмент, экономика, қаржы, құқықтану немесе корпоративтік басқару саласы бойынша жоғары білім;
• Халықаралық аккредитациясы бар MBA және/немесе магистр дәрежесінің болуы;
• Халықаралық кәсіби сертификаттардың болуы: PMBOK, PMI, IPMA, бизнес-менеджмент;
• Ірі компанияларда және/немесе квазимемлекеттік сектор ұйымдарында мәселелердің кең ауқымын қамтитын және басқарылатын ресурстарды тұрақты оңтайландыруды талап ететін күрделі кешенді жобаларды басқару саласында кемінде 5 жыл жұмыс тәжірибесі;
• Қазақстандық және/немесе халықаралық компанияларда Директорлар кеңесінің және/немесе Байқау кеңесінің төрағасы немесе мүшесі ретінде жұмыс тәжірибесі;
• Халықаралық қаржы институттары/ұйымдарының қатысуымен ірі инвестициялық жобаларды іске асыру және басқару тәжірибесі;
• Қаржылық жоспарлау тәжірибесі;
• Инвесторларды тарту тәжірибесі;
• Инвестициялық жобаларды жинақтау, талдау және оларды мүдделі тараптармен келісуді ұйымдастыру тәжірибесі;
• Инвестициялық жобаларды іске асыру мәселелері бойынша акционермен, мемлекеттік және уәкілетті органдармен өзара іс-қимыл жасау тәжірибесі;
• Жобаларды басқару процестерін автоматтандыру тәжірибесі;
• Инвестициялық жобаларды бағалау әдістері мен құралдарын білу;
• Қызмет бағытына сәйкес халықаралық қаржы ұйымдарының заңнамасын, нормалары мен қағидаларын білу;
• Қоғамның техникалық, экономикалық және әлеуметтік даму перспективаларын, стратегиясын және басымдықтарын білу;
• Инвестициялық жоспарлау және инвестицияларды басқару әдістері мен құралдарын білу;
• Комплаенс, сыбайлас жемқорлыққа қарсы іс-қимыл, тәуекелдерді басқару және корпоративтік басқару салаларындағы білім мен құзыреттер;
• Менеджмент жүйелерінің қағидаттарын және кәсіпорын қызметінің негізгі қағидаттарын білу;
• Қазақ, орыс және ағылшын тілдерін еркін меңгеру.