"KEGOC" АҚ "Ақмола ЖЭТ" филиалының аға бухгалтері

Жалақы көрсетілмеген

«KEGOC» АҚ Астана қ.

Қажетті жұмыс тәжірибесі: 3 жылдан Еңбекпен толық қамтылу, Толық күн

Бос орын ашық

Құрылған күні:: 03.09.2026
Берілген өтінім:: 2
Қаралған саны:: 92

Біліктілік талаптары

Білім деңгейі	Жоғары
Білім бейіні	Қаржылық және/немесе экономикалық және/немесе «Бухгалтерлік есеп және аудит»
Лауазым бағыты бойынша жұмыс тәжірибесі	Қаржы-бухгалтерлік есеп саласында
Лауазым бағыты бойынша жұмыс тәжірибесі (ұзақтығы), жыл	Жетекші бухгалтер және/немесе 1-санатты бухгалтер лауазымында кемінде 2 жыл жұмыс тәжірибесі немесе мамандығы бойынша кемінде 3 жыл жұмыс тәжірибесі.
Басшылық лауазымдардағы жұмыс тәжірибесі (ұзақтығы), жыл
Лауазымдық міндеттерді орындау үшін қажетті дағдыла	· ҚР бухгалтерлік және салықтық есепке алу, қаржылық есептілік саласындағы заңнамасын білу; · Салалық заңнаманы білу; · Салық органдары мен басқа да бақылаушы органдар тарапынан жүргізілетін тексерулерден өту тәжірибесінің болуы; · Дәлдік пен мұқияттылық; · Командада жұмыс істеу, көшбасшылық және коммуникативтік дағдылар – ынтымақтастыққа ашық болу, көпшілік алдында сөз сөйлеу дағдылары, әртүрлі көзқарастар арасында консенсус таба білу және сындарлы диалогты белсенді жүргізу; · Басшыға салықтық салдарларды болжай және түсіндіре білу; · Кәсібилік (адалдық, объективтілік және кәсіби этика қағидаттарын қатаң сақтау); · Мемлекеттік органдардың өкілдерімен өзара іс-қимыл жасау тәжірибесінің болуы.
Лицензиялар, сертификаттар	Үйлестірілетін сұрақтар аясында мына сертификаттардың болуы міндетті: DipIFR, ҚР Кәсіби бухгалтері.
Қосымша талаптар	· Microsoft Office Word, Microsoft Office Excel, Microsoft Office Outlook, IBM Notes бағдарламаларын сенімді меңгеру, кеңсе перифериялық құрылғыларын (принтер, факс, сканер) пайдалана білу, Интернет ресурстарымен жұмыс істеу дағдыларының болуы; · Қазақ және орыс тілдерін білу.

Лауазымдық (функционалдық) міндеттері:

қолданыстағы салық заңнамасына сәйкес салық салу объектілерінің есебін жүргізеді;
салықтар және бюджетке төленетін басқа да міндетті төлемдер бойынша салықтық тіркелімдер мен салық есептілігін, сондай-ақ мониторинг бойынша есептілікті электрондық құжат нысанында қалыптастырады;
белгіленген мерзімдерде салықтық есептілікті салықтық басқару органдарына уақтылы ұсынуды қамтамасыз етеді;
салықтарды есептеуге әсер ететін мәселелер бойынша Атқарушы дирекция қызметкерлерімен өзара іс-қимыл жасайды;
бюджетке және бюджеттен тыс қорларға төленетін төлемдердің болжамды жоспарын жасау үшін салық сомалары төлемдерінің болжамды мәндерін айқындайды, бюджетке төленуге тиіс міндетті салықтар бойынша берешектің қалыптасуына жол бермеу жөнінде шаралар қабылдайды;
камералдық бақылау шеңберінде анықталған бұзушылықтарды жою туралы салық органының талаптарын, сондай-ақ қарсы тексеру жүргізуге арналған нұсқамаларды орындауды қамтамасыз етеді;
қолданыстағы заңнамалық және нормативтік құжаттарға сәйкес салықтар мен бюджетке төленетін басқа да міндетті төлемдердің есептелуін және уақтылы аударылуын қамтамасыз етеді;
бюджетпен есеп айырысуларға бақылау жүргізеді және олардың ағымдағы талдауын жүзеге асырады, филиалдар арасындағы айналымдардың есебін жүргізеді;
салықтар және бюджетке төленетін басқа да міндетті төлемдер бойынша салыстыру актілеріне талдау жүргізеді және салық комитетінің дербес шоттарындағы деректердің бухгалтерлік есеп деректеріне сәйкестігін бақылайды;
жүктелген функцияларды орындауға байланысты мәселелер бойынша салық және басқа да бақылаушы органдармен хат алмасуды жүргізеді;
салықтар және бюджетке төленетін басқа да міндетті төлемдер бойынша міндеттемелердің дұрыс орындалуына қатысты өзгерістерге мониторинг жүргізеді және жаңа нормативтік-құқықтық құжаттарға шолу жасайды, алынған ақпаратты мүдделі тұлғаларға жеткізеді;
тікелей басшыны филиалдың қаржылық-шаруашылық қызметін талдау үшін бухгалтерлік есептің өзі жетекшілік ететін учаскесі бойынша салыстырмалы және дұрыс бухгалтерлік ақпаратпен қамтамасыз етеді;
салықтық есептіліктің сақталуын қамтамасыз етеді, белгіленген тәртіпке сәйкес оларды мұрағатқа өткізу үшін ресімдейді;
бухгалтерлік есептің өзі жетекшілік ететін учаскесі бойынша жыл сайынғы жоспарлы түгендеуді жүргізуге қатысады.
Атқарушы дирекция мен филиалдың құрылымдық бөлімшелерінің сұрауы бойынша бухгалтерлік есептің өзі жетекшілік ететін учаскесі бойынша ақпарат ұсынады;
қаржылық есептілікті жасау үшін тиісті бухгалтерлік есеп учаскесі бойынша деректерді уақтылы дайындайды;
Филиалдың құрылымдық бөлімшелерін өзі жетекшілік ететін бухгалтерлік есеп учаскесі бойынша жетекші бухгалтердің құзыретіне кіретін мәселелер бойынша әдістемелік және консультациялық көмекпен қамтамасыз етеді;
тікелей басшысының жекелеген қызметтік тапсырмаларын орындайды;
ай сайын жергілікті салықтар мен алымдар бойынша бюджет алдындағы берешекті қалыптастырады және бақылайды (11-нысан);
ай сайын ҚҚС бойынша декларацияны қалыптастырады; ҚҚС бойынша салықтық тіркелімдерді ай сайын қалыптастырады және тексереді: сатып алынған тауарлар, жұмыстар мен көрсетілетін қызметтер бойынша салықтық тіркелім, қойылған шот-фактуралар бойынша салықтық тіркелім. ЭШФ АЖ-нен алынған электрондық шот-фактураларды есепке алу жүйесінде тіркелген шот-фактуралармен салыстырып тексереді.
есепті кезеңдерді жабуға қатысады: ақпаратты қабылдау және жинақтау;
сыртқы аудиторлардың сұрау салулары бойынша ақпарат дайындауға қатысады;
бухгалтерлік және салықтық есепке алу мәселелері бойынша филиалдың нормативтік-құқықтық актілерінің, бұйрықтарының, өкімдерінің, шарттарының, келісімдерінің және өзге де құжаттарының жобаларына ұсыныстар енгізеді;
бухгалтерлік есепке алу процестері бойынша өзіне бекітілген рәсімдер мен пайдаланушыларға арналған нұсқаулықтарды жетілдіруді және өзектендіруді жүзеге асырады;
қаржылық есептілікті, оған берілетін ескертпелерді және басқа да қажетті ақпаратты ашып көрсетуді қалыптастыруға қатысады;
бастапқы құжаттарды ресімдеу тәртібінің, есеп айырысулар мен төлем міндеттемелерінің, бухгалтерлік ақпаратты өңдеу технологиясының және құжат айналымы тәртібінің сақталуын, сондай-ақ филиалдың негізгі құралдар, қорлар, ақша қаражаты, еңбекақы бойынша есеп айырысулар, салықтар, жинақтаушы зейнетақы қорларына аударымдар және басқа да құндылықтар бойынша есепке алу деректерінің дұрыстығын, шығыстар сметасының орындалуын бақылайды;
Бухгалтерияның қызметіне қатысты мәселелер бойынша ішкі және сыртқы қызметтермен хат алмасуды жүргізеді;
жұмыс орнын тиісті тәртіпте ұстайды. Жұмыс барысында жарамсыз есептеу техникасын пайдаланбайды, компьютерде жұмыс істеу кезінде электр сымдарының жай-күйін қадағалайды, жұмыс күнінің соңында электр аспаптары мен электр жабдықтарын өшіреді;
КШБ орындалуына талдау жүргізеді, өзі жетекшілік ететін бюджеттік көрсеткіш кодтары шеңберінде факторлық талдау жүргізеді;
бухгалтерлік және салықтық есепке алуға байланысты компания жобаларын енгізуге қатысады.