Лауазымдық міндеттері:

1) «KEGOC» АҚ-ның инвесторлармен (қарыздық және үлестік капитал инвесторларымен) өзара қарым-қатынастарын қалыптастыруға, іске асыруға және дамытуға басшылық етеді;

2) Бөлімшенің (ҚАИБД) қызметінің негізгі бағыттарын айқындайды;

3) «KEGOC» АҚ-ның инвестициялық жобаларын қаржыландыру үшін кредиттік ресурстар тарту мәселелері бойынша отандық және халықаралық қаржы институттарымен өзара іс-қимылды жүзеге асырады;

4) қолданыстағы кредиттік келісімдер/шарттар және шығарылған облигациялар бойынша міндеттемелерді орындау шеңберінде «KEGOC» АҚ-ның қарыз алу портфеліне қызмет көрсетуді қамтамасыз етеді;

5) «KEGOC» АҚ-ның Бюджеті мен Даму жоспарын қалыптастыру шеңберінде кредиттік міндеттемелер мен шығарылған борыштық бағалы қағаздар бойынша қаржыландыруға (және төлемдерге) арналған шығыстар бөлігінде «KEGOC» АҚ-ның бюджетін қалыптастыруды және түзетуді қамтамасыз етеді;

6) қажетті ақша қаражатының көлемін жинақтау және қолда бар қарыздық міндеттемелерді уақтылы орындау мақсатында «KEGOC» АҚ-ның ақша қаражаты қозғалысының болжамын қалыптастыруды және нақты орындалуына мониторинг жүргізуді (қысқа мерзімді және ұзақ мерзімді кезеңдерде) қамтамасыз етеді;

7) тартылған қарыздар мен шығарылған облигациялар бойынша талдау жүргізу және ақпарат дайындау жөніндегі жұмысты, сондай-ақ «KEGOC» АҚ-ның қаржылық есептілігін тоқсан сайын қалыптастыру үшін ақпаратты ашу шеңберінде сыртқы аудиторлармен өзара іс-қимылды ұйымдастырады;

8) облигацияларды шығару және оларды қор нарықтарында орналастыру процесін ұйымдастырады:

- «KEGOC» АҚ-ның облигациялар шығару арқылы ақша қаражатын тарту қажеттілігіне, сондай-ақ әлеуетті инвесторлар нарығына талдау жүргізу;

- бағалы қағаздар нарығында облигациялар шығару және оларды шығару талаптары мәселелері бойынша корпоративтік шешімдерді дайындау;

- облигациялар шығару үшін қосымша қызметтер тарту жөніндегі іс-шараларды жүргізу, реттеуші құжаттарға сәйкес қажетті рәсімдерді жоспарлау және іске асыру;

- тіркеу рәсімдерінен өту үшін қажетті құжаттар топтамасын (облигациялар шығару проспектісін, өтініштерді, бұйрықтарды, қаржылық есептілікті және т.б.) дайындау;

- облигациялар шығару ниеті туралы ақпаратты «Ақпараттық-есепке алу орталығы» АҚ-ның платформаларында және қор биржаларында уақтылы ашу;

- инвесторлармен облигацияларды орналастыру күнін және мәміле параметрлерін келісу;

- облигациялармен сауда-саттықтың жүргізілуіне мониторинг жасау және ақша қаражатының «KEGOC» АҚ-ның шотына түсуін қамтамасыз ету;

9) Қазақстан Республикасының нормативтік құқықтық актілерінің талаптарына сәйкес қор нарығында шығарылған облигацияларға қызмет көрсету мәселелері бойынша Қазақстан Республикасының уәкілетті органдарымен өзара іс-қимылды, шығарылған борыштық бағалы қағаздар бойынша есептерді дайындауды және оларды уәкілетті органдарға, оның ішінде Қазақстан Республикасының Ұлттық Банкіне уақтылы ұсынуды қамтамасыз етеді;

10) Қазақстан Республикасының заңнамасының талаптарына сәйкес акционерлермен өзара іс-қимылды қамтамасыз етеді (олардың өтініштеріне жауаптар беру және негізделген шешім қабылдау үшін қажетті ақпаратпен қамтамасыз ету және т.б.);

11) «KEGOC» АҚ акционерлерінің жалпы жиналыстарын ұйымдастырады;

12) ҚАИБД құзыреті шегінде ашық интернет-ресурстарда жария ақпараттың уақтылы ашылуын қамтамасыз етеді;

13) ҚАИБД қызметіне қатысты мәселелер бойынша жоғары тұрған басшылықты, сондай-ақ «KEGOC» АҚ-ның құрылымдық бөлімшелерінің басшыларын хабардар етеді;

14) «KEGOC» АҚ-ның инвесторлармен және акционерлермен өзара іс-қимыл жасау кезінде заңнама нормалары мен кәсіби мінез-құлық қағидаттарының сақталуын бақылайды;

15) тәуекелдерді басқару мәселелері бойынша «Самұрық-Қазына» АҚ-мен, басқа ұйымдармен және мемлекеттік органдармен Тәуекелдерді басқару және ішкі бақылау департаментімен келісу бойынша, ҚАИБД құзыреті шегінде өзара іс-қимылды қамтамасыз етеді;

16) ҚАИБД-де жетекшілік ететін тәуекелдер бойынша негізгі тәуекелдерді басқару жөніндегі іс-шараларды әзірлеуді, негізгі тәуекелдерді басқару жоспарлары мен бағдарламаларының орындалуын қамтамасыз етеді;

17) ҚАИБД-де жетекшілік ететін тәуекелдер бойынша негізгі тәуекелдерді басқару жөніндегі есептілікті ұсынуды қамтамасыз етеді;

18) акциялар шығару проспектісін жасау, акциялар шығару проспектісіне өзгерістер енгізу, сондай-ақ орналастырылған акциялар туралы есепті Қазақстан Республикасының Ұлттық Банкіне тапсыру жөніндегі жұмысты қамтамасыз етеді;

19) ҚАИБД құзыреті шеңберінде тиісті мемлекеттік органдармен, сондай-ақ бағалы қағаздар нарығын реттейтін уәкілетті мемлекеттік органмен өзара іс-қимыл жасайды;

20) ҚАИБД құзыреті шегінде төлем агентімен ынтымақтастық жөніндегі жұмысты үйлестіреді;

21) дивидендтердің төленуін бақылауды қамтамасыз етеді;

22) қызметкерлердің қажетті құзыреттілік деңгейін және олардың еңбегін ынталандыруды қамтамасыз етеді;

23) Қоғамның акцияларының қосымша пакетін қор биржасында орналастыру жөніндегі жұмыстарды ұйымдастырады және жүргізеді;

24) ҚАИБД құзыреті шегінде әлеуетті инвесторлар үшін ақпараттық-түсіндіру жұмыстарын (роуд-шоу, брифингтер, тікелей эфирлер) ұйымдастырады және өткізеді;

25) ҚАИБД құзыреті шегінде қызметтің негізгі көрсеткіштерінің орындалуын қамтамасыз етеді;

26) «KEGOC» АҚ-ның инсайдерлік ақпаратты пайдалану және оған билік ету жөніндегі ішкі бақылау қағидаларын, сондай-ақ ҚАИБД құзыреті шегіндегі өзге де ішкі нормативтік құжаттарды әзірлейді (өзгерістер мен толықтырулар енгізеді) және олардың орындалуын қамтамасыз етеді;

27) Департаментке келіп түсетін хат-хабарларды уақтылы қарауды және оларға жауаптар дайындауды қамтамасыз етеді;

28) Департаменттің қызметіне қатысты «KEGOC» АҚ-ның менеджменттің интеграцияланған жүйесі (МИЖ) құжаттамасының талаптарын орындайды;

29) ҚАИБД құзыретіне кіретін мәселелер бойынша «KEGOC» АҚ басшылығына арналған баяндамаларды, қызметтік жазбаларды және презентациялық материалдарды дайындауға қатысады.

Талаптар:

• Экономика/қаржы/бухгалтерлік есеп бағыттары бойынша жоғары білім;
• Жұмыс тәжірибесі: экономика/қаржы/бухгалтерлік есеп саласында кемінде 7 жыл;
• Басшылық лауазымдардағы жұмыс тәжірибесі: Компанияда бөлімнің (топтың/қызметтің) үйлестірушісі (бастығы) лауазымында 3/3 жыл жұмыс тәжірибесі.

Лицензиялар, сертификаттар:

• Экономика, қаржы немесе бухгалтерлік есеп саласындағы сертификаттың болуы.

Міндеттерді орындау үшін қажетті дағдылар:

• Қаржылық және инвестициялық талдау жүргізу дағдылары;
• Ықпал ету және сендіру дағдылары;
• Қаржы институттарымен тиімді өзара іс-қимыл жасау дағдылары;
• Командада жұмыс істеу, көшбасшылық және коммуникациялық дағдылар – ынтымақтастыққа ашық болу, көпшілік алдында сөз сөйлеу дағдылары, әртүрлі көзқарастар арасында ортақ келісімге келе білу және сындарлы диалогты белсенді жүргізу қабілеті;
• Салалық заңнаманы білу;
• Саланың жаһандық даму үрдістерін білу, Қазақстан Республикасы мен Компанияның серіктес елдеріндегі нарық конъюнктурасын түсіну;
• Корпоративтік басқару саласындағы терең білім;
• Электр энергетикасы саласының жұмыс істеу ерекшеліктерін терең түсіну;
• Коммуникациялық дағдылар, көпшілік алдында сөз сөйлеу және презентация жасау дағдылары;
• Инвестициялық маркетинг саласындағы базалық білім;
• Инвесторлармен және кредиторлармен күрделі келіссөздер жүргізу тәжірибесі;
• Кәсібилік (адалдық, объективтілік және кәсіби этиканың өзге де қағидаттарын қатаң сақтау).

Қажетті қабілеттер

• В сфере экономики/финансов/бухгалтерского учета

Қажетті білім дәрежесі

• Бакалавр

Бағыттар бойынша сертификаттардың бар болуы қажет

• Қаржы
• Бухгалтерлік есеп