"KEGOC" АҚ "Ақмола ЖЭТ" филиалының Көкшетау АЭТ 1150кВ "Кокшетауская" Жөндеу-пайдалану тобының шебері

Біліктілікке қойылатын талаптар

• Лауазымдық (функционалдық) міндеттері:

1) Өз учаскесінің персоналымен қосалқы станцияның маймен толтырылған жабдықтарын жоспарлы жөндеу-пайдалану жұмыстарын орындауды ұйымдастырады;

2) МТЖ учаскесі қызмет көрсететін жабдыққа ақаулы актілер жасайды;

3) Ақаулар мен бұзылуларды уақытында жою үшін МТЖ учаскесі қызмет көрсететін жабдықтың жай-күйіне тұрақты мониторинг жүргізеді;

4) Жұмыс жүргізуге нарядтар, өкімдер береді, жабдықты жөндеуге шығару және жұмысқа енгізу бойынша ауысуларға қатысады;

5) Күштік май толтырылған жабдықты жөндеуден және монтаждан кейін жұмысқа кіріспес бұрын тексеруге қатысады;

6) трансформатор майын өңдеу және регенерациялау бойынша технологиялық жабдықты жарамды күйде және тұрақты дайындықта ұстайды;

7) Өндірістік қызмет барысында ««KEGOC» АҚ-да қалдықтарды басқару» СТ KEGOC 00-602-11 стандартын басшылыққа ала отырып, өндірілген пайдаланылған майларды жинауды және сақтауды ұйымдастырады;

8) Қалдықтарды (май және құрамында сынап бар шамдарды) орналастырудың уақытша орнының жай-күйіне және олардың қоршаған орта объектілеріне әсеріне жүйелі бақылаулар жүргізеді;

9) бекітілген кесте бойынша, сондай-ақ ауа райы жағдайлары (екпінді жел, қалың қар, төмен температура және т. б.) бойынша жабдықтарды жеке-дара тексеруді, Қосалқы станция жабдықтарының ақаулары мен бұзылуларын жою жөніндегі жұмыстарды уақытында анықтауды және ұйымдастыруды орындайды;

10) МТЖ учаскесі қызмет көрсететін жабдықты пайдалану бойынша технологиялық сұлбаларды, нұсқаулықтарды әзірлеуге қатысады;

11) МТЖ учаскесі қызмет көрсететін жабдықтың төлқұжатын жүргізеді;

12) бригадалық қорғаныс құралдарының, құралдардың, құрылғылардың болуын, сақталуын және дұрыс қолданылуын қамтамасыз етеді;

13) Қосалқы станция жөндеу персоналының жұмыстарды орындауда қадағалауды жүзеге асырады;

14) жұмыс басталар алдында аспаптың, жабдықтың, механизмдердің, құрылғылардың, басқа құрылғылардың қорғау құралдарының қауіпсіздік талаптарына сәйкестігін тексереді;

15) жұмыстарды орындауды бастамас бұрын нысаналы нұсқамалар жүргізеді;

16) жұмыс орындарында тазалық пен тәртіпті қамтамасыз етеді;

17) Қосалқы станция жабдықтарын жөндеу және ПЖЖ кезінде жұмыстардың қауіпсіз өндірісін ұйымдастырады;

18) Арнайы киім мен арнайы аяқ киімді, жеке қорғану құралдарын қолданады;

19) Қосалқы станцияның жоғары тұрған басшылығын хабардар ете отырып, еңбек, өндірістік тәртіпті, ТПЕ, ТҚЕ, ӨҚЕ бұзған адамдарды жұмыстан шеттетеді;

20) жұмыстарды жүргізу кезінде еңбекті қорғауды және техника қауіпсіздігі қағидаларын бұзудың себептерін анықтайды, оларды персоналмен талдайды және одан әрі жол бермеу жөніндегі шараларды айқындайды;

21) бағынысты қызметкерлердің еңбек, өндірістік және технологиялық тәртіпті орындауын қамтамасыз етеді және өзі де жеке орындайды;

22) белгіленген мерзімде актілерде, бұйрықтар мен өкімдерде көзделген еңбекті қорғау, қауіпсіз еңбек жағдайларын жақсарту және жасау жөніндегі нұсқамалар мен іс-шараларды орындайды;

23) Қызмет көрсетілетін жабдық бойынша Қосалқы станция персоналымен техникалық оқуды жүргізеді;

24) жазатайым оқиға кезінде зардап шегушіге алғашқы медициналық және шұғыл-реанимациялық көмекті шұғыл ұйымдастырады, Қосалқы станция бастығына дереу хабарлайды;

25) жаңадан қабылданған жұмысшыларды еңбектің қауіпсіз әдістеріне, жеке және ұжымдық қорғау құралдарын, құралдар мен құрылғыларды пайдалану тәртібіне оқытуды жүзеге асырады.