Міндеттері:

• Жергілікті қамту саласындағы Серіктестіктің ішкі нормативтік құжаттарын әзірлеу және өзектендіру.
• Ел ішіндегі құндылық туралы заңнама нормаларын түсіндіру және қолдану мәселелері бойынша уәкілетті органдармен өзара іс-қимыл жасау.
• Жергілікті қамту бойынша есептілікті жинау, шоғырландыру және терең талдау.
• Шарттардағы ел ішіндегі құндылық үлесінің есептелу дұрыстығын тексеру, жеткізушілер есептеріндегі арифметикалық және әдістемелік қателерді анықтау.
• Құжат айналымын жүргізу, кіріс және шығыс құжаттарды, хаттамалық және ауызша тапсырмалардың орындалуын бақылау.
• Тауар нарықтарын талдау және ұзақ мерзімді шарттар мен офтейк-келісімшарттар жасау үшін отандық тауар өндірушілерді іздеу.
• Отандық өндірушілерге сертификаттау және жеткізушілердің мамандандырылған тізіліміне енгізу мәселелері бойынша қолдау көрсету.
• Атом энергетикасы саласындағы жеткізушілердің ТАҚ (тауарлар, жұмыстар, қызметтер) тізілімін қалыптастыру және жүргізу.
• Мемлекеттік органдармен, квазимемлекеттік сектор субъектілерімен, ҚР Ұлттық кәсіпкерлер палатасымен, салалық одақтармен (қауымдастықтармен) тізілімдерді қалыптастыру және жүргізу, сондай-ақ ел ішіндегі құндылықты дамыту мәселелері бойынша өзара іс-қимыл жасау.

Талаптар:

• Жоғары (немесе жоғары оқу орнынан кейінгі) білім.
• Мамандығы бойынша жұмыс тәжірибесі – кемінде 3 жыл.
• Сатып алулар саласында қолданылатын ақпараттық жүйелердің бизнес-процестері мен функционалын білу.
• Сатып алу рәсімдерін өткізу ережелері мен кезеңдерін, сондай-ақ оларды өткізу үшін қолданылатын ақпараттық жүйелерде жұмыс істеу тәртібін білу.
• Ақпараттық жүйелерді интеграциялау қағидаттары мен тәртібін түсіну.
• Қазақстан Республикасының нормативтік құқықтық актілерінің талаптарын білу, оның ішінде «Акционерлік қоғамдар туралы», «Жауапкершілігі шектеулі және қосымша жауапкершілігі бар серіктестіктер туралы» заңдар және жауапкершілік аймақтары мен атқарылатын функциялар шеңберінде қолданылатын өзге де НҚА.

Кәсіби білімдері мен дағдылары:

ҚР «Өнеркәсіптік саясат туралы» заңы, ҚР «Жер қойнауы және жер қойнауын пайдалану туралы» кодексі, жер қойнауын пайдаланушылардың ТАҚ сатып алу қағидалары, «Мемлекеттік сатып алу туралы» заңнаманы терең (эксперттік) деңгейде білу.

Отандық тауар өндірушілерді қолдау, жеткізу тізбектерін талдау немесе импортты алмастыру бойынша әдістемелік немесе практикалық жұмыс тәжірибесі.

MS Excel бағдарламасын кәсіби деңгейде меңгеру (күрделі формулалармен, жиынтық кестелермен, деректер массивтерімен жұмыс).

Нормативтік құқықтық актілердің, нұсқаулықтардың, регламенттердің жобаларын әзірлеу дағдылары.

Аналитикалық ойлау қабілеті, егжей-тегжейге мұқияттылық, сандық ақпараттың үлкен көлемімен жұмыс істей алу.

Сатып алу және өнеркәсіптік саясат саласындағы нормативтік құқықтық актілерді білу.

Контрагенттерге Compliance-тексеру жүргізу және тәуекелдерді анықтау дағдылары.

Қажетті білім дәрежесі

• Бакалавр

Міндетті түрде тілдерді білу

• Ағылшын тілі (Озат)
• Қазақ тілі (Кәсіби)
• Орыс тілі (Кәсіби)