Міндеттері:

1. Басқарма қызметін қамтамасыз ету (Басқарма хатшысының функциялары)

• Компанияның алқалы атқарушы органы ретіндегі Басқарма қызметін ұйымдастырушылық қамтамасыз ету: отырыстарды жоспарлау, кесте мен күн тәртібін қалыптастыру, Басқарма мүшелеріне хабарламалар мен материалдарды уақтылы жіберу.
• Басқарманың қарауына ұсынылатын материалдарды жинау, олардың толықтығын тексеру және алдын ала құқықтық сараптама жүргізу; талаптарға сәйкес келмеген жағдайда материалдарды пысықтауға қайтару.
• Басқармаға шығарылатын мәселелерді дайындау барысында бастамашы бөлімшелердің жұмысын үйлестіру, материалдарды рәсімдеу талаптары мен мерзімдерінің сақталуын бақылау.
• Отырыстарды рәсімдік сүйемелдеу: кворумды қамтамасыз ету, талқылау барысы мен дауыс беру нәтижелерін тіркеу, Басқарма хаттамаларын, үзінді көшірмелерін және шешімдерін рәсімдеу.
• Басқарма хаттамалары мен шешімдерін есепке алу, жүйелеу және сақтау; қабылданған шешімдер мен тапсырмалар тізілімін жүргізу.
• Басқарма шешімдері мен тапсырмаларының орындалуын бақылау, орындалу туралы есептілікті қалыптастыру, мерзімі өтіп кеткен тапсырмалар бойынша басшылыққа ақпарат беру.
• Рәсімдік мәселелер бойынша әдіснамалық қолдау көрсету және Басқарма жұмысы регламентінің сақталуын қамтамасыз ету.

2. Корпоративтік-құқықтық сүйемелдеу

• Ұйымдардың қызметін құқықтық сүйемелдеу.
• Басқару органдарының (акционерлердің/қатысушылардың жалпы жиналыстары, директорлар кеңестері/бақылау кеңестері, атқарушы органдар) шешімдерін, күн тәртібін, бюллетеньдерін және хаттамаларын дайындау, құқықтық сараптау және келісу.
• Компанияның акционер/қатысушы ретіндегі құқықтарын іске асыру: дауыс беру бойынша директивалар мен ұстанымдарды, сенімхаттарды дайындау, басқару органдарына кандидатураларды келісу, корпоративтік рәсімдер мен мерзімдердің сақталуын бақылау.
• Жарғыларды, ережелерді және өзге де ішкі корпоративтік құжаттарды әзірлеу және өзектендіру; бекітілген портфель бойынша корпоративтік оқиғаларға мониторинг жүргізу.

3. Жобалар мен мәмілелерді сүйемелдеу

• Жаңартылатын энергетика саласындағы жаңа жобаларды барлық кезеңдерде (бастамалау, құрылымдау, іске асыру) құқықтық сүйемелдеу.
• Бірлескен кәсіпорындарды, оның ішінде шетелдік серіктестермен бірлескен кәсіпорындарды құрылымдауға қатысу: акционерлік келісімдерді (SHA), бірлескен кәсіпорын құру туралы келісімдерді (JVA), қатысушылар келісімдерін дайындау және құқықтық сараптау.
• Жобалық қаржыландыруды және қаржыландырушы ұйымдармен (банктер, халықаралық қаржы институттары) өзара іс-қимылды құқықтық сүйемелдеу: кредиттік және қамтамасыз ету құжаттамасына құқықтық сараптама жүргізу.
• Активтер мен жобалар бойынша құқықтық due diligence рәсімдеріне қатысу, құқықтық тәуекелдерді анықтау және бағалау, тәуекелдер тізілімін жүргізу және оларды азайту жөніндегі ұсынымдарды дайындау.

4. Шарттық жұмыс

• Бекітілген портфель бойынша шарттарды (оның ішінде EPC шарттары, жеткізу, қызмет көрсету, жалдау және қарыз шарттары) әзірлеу, құқықтық сараптау, келісу және сүйемелдеу.

5. Құқықтық сараптама, қорытындылар және басқару органдарына арналған материалдар

• Қазақстан Республикасының заңнамасы және АХҚО құқығы мәселелері бойынша құқықтық қорытындыларды, талдамалық анықтамаларды және құқықтық ұстанымдарды дайындау.
• Басқармада, Директорлар кеңесінде және өзге де басқару органдарында қарауға арналған түсіндірме жазбалар мен шешімдер жобаларын дайындау, құқықтық сараптау және келісу.
• Мәмілелерді құқықтық тұрғыдан саралау (оның ішінде ірі мәмілелер мен мүдделілік бар мәмілелер) және оларды мақұлдаудың тиісті тәртібін айқындау.

6. Өзара іс-қимыл және әдіснама

• Компанияның құрылымдық бөлімшелерімен, акционермен және топ ұйымдарымен құқықтық мәселелер бойынша өзара іс-қимыл жасау.
• Ішкі нормативтік құжаттарды, үлгілік нысандар мен шарт шаблондарын әзірлеуге және өзектендіруге қатысу.
• Басшылықты құқықтық тәуекелдер және бекітілген портфельге әсер ететін заңнамадағы өзгерістер туралы уақтылы хабардар ету.

Талаптар

• Жоғары заңгерлік білім. Құқық магистрі (LLM) дәрежесінің және/немесе құқық немесе корпоративтік басқару саласындағы кәсіби сертификаттардың болуы артықшылық болып табылады.
• Тиісті салада кемінде 3 жыл жұмыс тәжірибесі. Инфрақұрылымдық жобаларда, жобалық қаржыландыруда немесе инвестициялық жобаларды сүйемелдеуде тәжірибенің болуы құпталады. Мемлекеттік қатысуы бар компаниялар тобында және/немесе АХҚО юрисдикциясында жұмыс тәжірибесінің болуы артықшылық болып табылады.
• Қазақстан Республикасы заңнамасын білу, АХҚО құқығының негіздерін білу құпталады. Дағдылар: корпоративтік басқару және басқару органдарының қызметін сүйемелдеу, шарттық жұмыс, құқықтық сараптама, құқықтық due diligence жүргізу, мәмілелерді (бірлескен кәсіпорындар, M&A) және жобалық қаржыландыруды сүйемелдеу, құқықтық тәуекелдерді басқару.
• Қазақ және орыс тілдерін еркін меңгеру. Ағылшын тілі – Upper-Intermediate деңгейінен төмен емес.
• Энергетика саласы компанияларының және инфрақұрылымдық холдингтердің заң бөлімшелерінде, мемлекеттік қатысуы бар компаниялар тобында, сондай-ақ энергетика және жобалық қаржыландыру саласындағы жобаларды сүйемелдейтін заңгерлік және консалтингтік фирмаларда жұмыс тәжірибесінің болуы құпталады.