Міндеттері:

• Шетелдік элементі бар шарттардың, құпиялылық туралы келісімдердің (NDA), ынтымақтастық туралы меморандумдардың (MoU), бірлескен қызмет туралы келісімдердің (JVA) және өзге де құжаттардың жобаларын дайындауға, құқықтық сараптауға және келісуге қатысу;
• Шетел құқығын қолдану және халықаралық шарттық тәжірибе мәселелері бойынша құқықтық қорытындылардың, анықтамалардың және өзге де талдамалық материалдардың жобаларын дайындау;
• Шетелдік контрагенттермен орыс және ағылшын тілдерінде жүргізілетін келіссөздер мен іскерлік хат-хабарларды сүйемелдеуге қатысу;
• Шетелдік инвесторлардың, мердігерлердің және контрагенттердің қатысуымен жасалатын шарттар мен жобалар бойынша заңдық тәуекелдерді талдауға қатысу, оларды азайту жөніндегі ұсыныстарды әзірлеу;
• Халықаралық шарттық жұмыс мәселелері бойынша үлгілік шарттарды, келісімдерді, құжат үлгілерін және чек-парақтарды әзірлеуге және өзектендіруге қатысу;
• Шарттық құжаттаманың Қазақстан Республикасы заңнамасының, қолданылатын шетел құқығының және халықаралық іскерлік тәжірибенің талаптарына сәйкестігін қамтамасыз етуге қатысу;
• «КТ-ТЕЛЕКОМ» ЖШС қатысушыларымен өзара іс-қимылды қамтамасыз етуге қатысу;
• «КТ-ТЕЛЕКОМ» ЖШС қатысушыларының жалпы жиналысының қызметін ұйымдастырушылық және құжаттамалық сүйемелдеуге қатысу;
• Қатысушылардың жалпы жиналысының қарауына шығарылатын қорытындылардың, анықтамалардың, шешімдердің және өзге де материалдардың жобаларын дайындау;
• Қатысушылардың жалпы жиналысы шешімдері мен тапсырмаларының орындалуын үйлестіруге қатысу және олардың іске асырылуын бақылау;
• Жүктелген функциялар шеңберінде корпоративтік рәсімдердің және Қазақстан Республикасы заңнамасы талаптарының сақталуын қамтамасыз ету;
• Корпоративтік сектордың Бас менеджері уақытша болмаған кезеңде оның міндеттерін орындау.

Талаптар:

• Жоғары заңгерлік білім (артықшылық беріледі);
• Қосымша білім (LL.M.), қосымша біліктіліктер (Нью-Йорк штатының құқығы, ағылшын құқығы және т.б. бойынша). Халықаралық арбитраж, жылжымайтын мүлік немесе корпоративтік құқық бойынша курстардың болуы артықшылық болып табылады;
• Заңгерлік мамандық бойынша кемінде 5 жыл кәсіби жұмыс тәжірибесі;
• Заңды тұлғаның басқару органдарымен жұмыс тәжірибесі;
• Квазимемлекеттік секторда жұмыс тәжірибесі;
• Халықаралық инвесторлармен немесе шетелдік мердігерлермен жұмыс тәжірибесі;
• Халықаралық келіссөздерге қатысу тәжірибесі;
• Заңнамалық деректер базаларымен және ағылшын тіліндегі іскерлік хат-хабармен жұмыс тәжірибесі;
• Жылжымайтын мүлік, жобалық құрылыс, коммерциялық жалдау саласында инхаус-заңгер немесе заң фирмасында консультант ретінде кемінде 5 жыл жұмыс тәжірибесі;
• BTS/lease немесе ұқсас жобаларды дайындау және жүргізу тәжірибесінің болуы құпталады.

Кәсіби білімдері:

• Халықаралық жеке құқық және халықаралық шарттық тәжірибе негіздері;
• Шарттық және коммерциялық қатынастар бөлігіндегі ағылшын құқығының негіздері;
• Қазақстан Республикасының азаматтық, корпоративтік және әкімшілік заңнамасы;
• Жауапкершілігі шектеулі серіктестіктер туралы заңнама;
• Корпоративтік басқару негіздері;
• Басқару органдарының шешімдерін дайындау және қабылдау рәсімдері;
• Іскерлік хат-хабар жүргізу және қызметтік материалдарды дайындау қағидалары;
• Ағылшын тіліндегі заң терминологиясы және екі тілдегі шарттық құжаттамамен жұмыс тәжірибесі;
• Келіссөздер жүргізу және оларға қатысу дағдылары, компанияның ұстанымын дәлелді түрде қорғай білу;
• Орыс және ағылшын тілдерін еркін меңгеру (ауызша және жазбаша);
• Сапалы шарттар дайындау қабілеті;
• Үлгілік шарттарды, шаблондарды және чек-парақтарды енгізу бойынша практикалық тәжірибе.

Еңбек жағдайлары:

• Қазақстан Республикасының Еңбек кодексіне сәйкес ресми жұмысқа орналастыру;
• 5/2 жұмыс кестесі, 8 сағаттық жұмыс күні;
• Жалақының уақтылы төленуі;
• Жыл сайынғы еңбек демалысы – 24 күнтізбелік күн.