Қор – Мамандар шеберханасы
«Түйіндемедегі деректерді жаңарту – табысқа қадам» «Қазатомөнеркәсіп» компаниясының қызметкері «Samruk Qyzmet» арқылы жұмыс табуда
Көптеген теріс пікірлерге қарамастан, бүгінде тамыр-таныссыз беделді жұмыс табу өте оңай. Көбінесе үміткерлерді іріктеуде адам факторын жоққа шығаратын рекрутингтің автоматтандырылған үдерісіне байланысты. Дәл осы қағидат бойынша qsamruk.kz порталы – «Самұрық-Қазына» компаниялар тобының бос жұмыс орындарына арналған бірыңғай сайты жұмыс істейді.
Жас ғалым және сирек маман. Армандаған жұмысын тапқан инженердің оқиғасы
«Еңбек нарығында жас мамандар сұранысқа ие емес. Қазақстандағы ірі компаниялар «элита үшін жабық клуб» болып табылады. Сіз таныссыз жұмыс таба алмайсыз. Біліктілігі жоқ мамандар да беделді жұмысқа орналаса береді» – осы және басқа да көптеген келеңсіздіктерді жұмысқа қабылдау процесін автоматтандыру және үміткерлерді іріктеудегі адами факторды жою арқылы шешуге болады.
Дәл осы мақсатта qsamruk.kz порталы – «Самұрық-Қазына» компаниялар тобының бос жұмыс орындарына арналған бірыңғай сайты құрылды.
Мұны қазақстандық жас маман Әнуар Рақышев жеке мысалмен дәлелдеуге дайын. 25 жасында ол Қазақстан Республикасындағы Бірінші интеграцияланған газ-химиялық кешенінде (ҚҚК) жетекші инженер болып жұмыс істейді.
«Samruk Qyzmet – мамандық бойынша жақсы жұмыс табудың тамаша мүмкіндігі». «Интергаз Орталық Азия» қызметкерінің оқиғасы
Бүгінгі таңда жұмыс табу мақсатында газет-журналдардағы хабарландыруларға үңіліп, саналуан компанияларға қоңырау шалып жататын адамды көзге елестету қиынға айналып барады. Бұл процесс қазіргі кезде интернетке көшкен. Қызықты бос жұмыс орнын байқап, ықтимал жұмыс берушінің қызметімен танысу үшін батырманы бірнеше рет басу жеткілікті. Тиімді әрі ыңғайлы әдіс. Мұны біздің бүгінгі кейіпкеріміз – «Интергаз Орталық Азия» АҚ желілік-пайдалану қызметінің операторы Бақытбек Жаманқұловтың оқиғасы дәлелдейді.
«Мен сайтты достарыма ұсынып үлгердім». «Тау-Кен Самұрық» қызметкері Samruk Qyzmet көмегімен қалай жұмыс тапқаны жайлы әңгімеледі
Іскерлік мансапты сәтті құру үшін бірнеше маңызды қадам жасау керек. Біріншіден, мамандық таңдауға саналы және дербес көзқарас таныту. Екіншіден, жұмыс іздеуге қажет сенімді алаң тапқан абзал. Біздің бүгінгі кейіпкеріміз - Әйгерім Кәрімова осы ережелерді ұстануға тырысқанның нәтижесінде еліміздің ең ірі тау-кен компаниясында қызмет етуде.
"Қызметкерлерді жұмысқа алудың ашықтығы бойға сенімділік ұялатады" - "ҚМГ Инжиниринг" қызметкері Samruk Qyzmet туралы
Samruk Qyzmet - армандаған жұмысыңды тауып, кәсіби белестерге көтерілуге мүмкіндік беретін платформа. Оған айқын мысал - біздің бүгінгі кейіпкеріміз Темірлан Стабалиевтің оқиғасы.
Карантин кезінде де жақсы жұмыс табуға болады. «ҚМГ Инжиниринг» қызметкерінің оқиғасы осыған дәлел
Тұрақты табыс әкелетін және сонымен бірге рухани ләззат сыйлайтын жұмыс табу оңай емес. Алайда біздің бүгінгі кейіпкеріміз – «ҚМГ Инжиниринг» сейсмикалық зерттеулер тобының жетекші инженері Айхан Садықовқа бұл белес сәтті бағынып отыр. Бұған оған Samruk qyzmet платформасы көмектесті
«Бір минутта жұмыс таптым» - «Интергаз Орталық Азия қызметкері Qsamruk.kz туралы
Осы жылдың наурыз айында Нұрбол Қылышбаев Ақтөбе облысының Қандыағаш қаласындағы «Интергаз Орталық Азия» компаниясы ұжымының мүшесі атанды. Кәсіпорында бос орын бар екендігі туралы оған жергілікті Жұмыспен қамту орталығынан айтқан.
Нұрбол – 32 жаста. Оның ішінде 14 жыл электр монтері болып еңбек еткен. Ол өз ісін жақсы көреді және оны мақтан тұтады. Біздің кейіпкеріміз кез-келген мамандықта ең бастысы – кәсібиліктен айнымау және жұмыстың қыр-сырын терең меңгеру деп санайды. Сонымен..
Уақытты үнемдеу және пайдаланушыларға қамқорлық сезіледі - «Қазатомөнеркәсіп» АҚ қызметкері Qsamruk.kz туралы
Самұрық-Қазына» АҚ тобының компанияларында 10 жылдан астам жұмыс істеген Аслан Нұрғалиев қызықты жобалар мен жаңа белестер үшін қызмет саласын түбегейлі өзгертуден қорықпады. Қазір ол атом өнеркәсібінің әлемдік көшбасшысы, Ұлттық әл-ауқат қорының 100% қоржындық компаниясы «Қазатомөнеркәсіп» ҰАК» АҚ таланттарды басқару басқармасының бөлім менеджері.
Еңбек жолымды бастағаннан бері қорда жұмыс істегім келді | Әл-Фараби Сәтбаев
Әл-Фараби алты жылдан бері «Самұрық-Қазына» қорының компанияларында мансабын құрып келе жатқан кәсіби заңгер. «Қазтрансойл» АҚ, «ҚазМұнайГаз» ҰК» АҚ және «ҚТЖ» ҰК» АҚ-да жұмыс істеп үлгерді.
«Маған Qsamruk.kz тазалығы ұнады». Әсел Айтқожина «Тау-Кен Самұрық» компаниясынан қалай жұмыс тапқанын айтып берді.
Әсел Айтқожина «Тау-Кен Самұрық» ҰТК»АҚ корпоративтік қаржы қызметінде жетекші менеджер болып жұмыс істейді. Ол бұл жұмысты бес ай бұрын біздің Samruk qyzmet платформамыздың көмегімен тапты
Үш қор компанияларында жұмыс істеген | Нұрлан Нысанов, «KMG Engineering» ЖШС
Нұрлан Нысанов «ҚазМұнайГаз» ҰК АҚ еншілес кәсіпорны «КМГ Инжиниринг» ЖШС-нің сатып алу саласында жұмыс істейді. Ол бұл жұмысты «Самұрық-Қазына» АҚ тобының бірыңғай бос орындар платформасы – Qsamruk.kz көмегімен тапты. Оның еңбек жолы қызықты, ол Қор компаниялары жүйесінде бірнеше рет кадрлық ротациядан өткен. Мәліметтерді білу үшін маманмен сөйлестік.
Кәсіпорынның жетістігі әрбір маманның табысынан | Әділбек Өмірәлиев, Qazaq Air
«Самұрық-Қазына» компаниялар тобы 300 мыңнан астам адамды жұмыспен қамтып отырған Қазақстандағы ең ірі холдингтердің бірі болып табылады. Топ ондаған түрлі құрылымдарды біріктіріп, дарындарды дәріптеуге және дамытуға негізделген даму жолын ұстанады.
Осындай мысалдардың бірі – «Самұрық-Қазына» АҚ-дағы еңбек жолы 2010 жылы аға менеджер ретінде басталған QAZAQ AIR-дің қаржы директоры Әділбек Өміралиев.