«Үлбі металлургиялық зауыты» АҚ 
«Үлбі металлургиялық зауыты» акционерлік қоғамы («ҮМЗ» АҚ) Қазақстан Республикасы Шығыс Қазақстан облысының Өскемен қаласында орналасқан.
1997 жылдан бастап Қазақстан Республикасының мүдделерін атом өнеркәсібінде ұсынатын «Қазатомөнеркәсіп» Ұлттық Атом компаниясының құрамына енеді. Үлбі металлургиялық зауытының ресми туған күні 29 қазан 1949 жыл. Бұл күні кәсіпорын қоймасына алғашқы өнім түсті. 70-жылдардың басында ҮМЗ әлемнің уран,тантал және бериллий өнімдерін өндірушілердің аса ірі қатарына енді.
«Үлбі металлургиялық зауыты» акционерлік қоғамы - әлемдік деңгейдегі өнімдерді өндіріп, жеткізуде 60 жылдық тәжірибесі бар бірегей кәсіпорын.
Бүгінгі күні кәсіпорынның құрамында:
- ТМД елдеріндегі атом энергетикасына арналған ядролық отынның ірі өндірісі;
- Еуразиялық континентте бериллий қосылған өнімдердің қара құймаметалдан дайын бұйымдарға дейін барлық түрлерін өндіруші жалғыз өндірісі;
- ТМД елдерінде заманға лайық қуатты жабдықтармен жарақтанған, тантал-ниобий қосылған шикізаттың барлық түрлерін қайта өңдеуге қабілетті жалғыз тантал өндірісі;
- заманына сай балқытқыш қышқылының өндірісі;
- металл өңдейтін жаңа жабдықтарда аса жоғары дәлдікте бұйымдар жасауға, жабдықтар дайындау бойынша бай тәжірибесі бар көлік жасау кешені;
- қуатты ғылыми-зерттеу база;
- ірі конструкторлық-жобалау институты;
- қуатты қосымша өндіріс инфрақұрылымы.
Біздің мақсатымыз: өнеркәсіпті ураннан, бериллийден,танталдан,нибийден жоғары сапалы өнім өндіру және оларды қайта өңдеу бойынша қызметтердің қажеттілігімен қамтамасыз ету.
Біздің өндірістік қызметіміз өз жұмыскерлеріміз бен олардың жанұяларының әл-ауқатының негізі болып табылады.
«Үлюі металлургиялық зауыты» акционерлік қоғамының тауарлық белгісі Қазақстан Республикасында, Ресей Федерациясында, сонымен қатар Болгарияда, Қытайда, Ұлыбританияда, Германияда, Польшада, Словакияда, АҚШ, Чехияда, Францияда, Жапонияда тіркелген.
«ҮМЗ» АҚ сапа жүйесі халықаралық TUV-CERT органымен МС-ИСО-9002 стандарты бойынша келесі салаларда сертификатталған:
- атом энергетикалық реакторлары үшін уран қосылыстарынан (оның ішінде қайта жаңғыртылған) өнім өндірісі;
- уран қосылыстарының өндірісі;
- бериллий, оның құймалары мен қосылыстарының өндірісі;
- тантал, оның қосылыстары мен олардан жасалған өнімдер өндірісі.
Бүгінгі күні зауытта қандай да болса күрделі мәселелерді шешуге қабілетті 6000 астам жұмысшылар, техниктер, инженерлер еңбектенуде. 1999 жылдың соңында, әлемдік рынокта өз орнын тапқаннан кейін, зауыт тарихында барлық өндірістерді дамытатын ірі инвестициялық бағдарлама әзірленді.
«ҮМЗ» АҚ мен «Қазатомөнеркәсіп» ҰАК алдында осы кезде үлкен мәселе тұр: әлемдік уран қорының 25 пайызына ие болған Қазақстанның зор әлеуетіне сүйене отырып, атом саласын сапалы жаңа деңгейге жеткізу. Бериллий шикізатының маңызды қорына ие бола отырып, ұжым өзіне сапасы жағынан жаңа технологиялар базасында дайындалатын бериллий өнімдерін өткізу көлемдерін кеңейту және әлемдік тұтыну үлесінің 20 пайызына дейін ие болу бойынша міндет жүктейді. Бүгінгі күні бұл мәселені зауыт мамандары мен басшылары табысты шешуде.