«ҚазМұнайГаз» АҚ ҰК

«ҚазМұнайГаз» ҰК АҚ

«ҚазМұнайГаз» ҰК АҚ тік біріктірілген ұлттық мұнай-газ компаниясы, көмірсутектерін барлау, өндіру, тасымалдау және өңдеу жөніндегі оператор болып табылады. ҚМГ акционерлері «Самұрық-Қазына» ұлттық әл-ауқат қоры (90%) және Қазақстан Республикасының Ұлттық Банкі (10% + 1 акция) болып табылады.

Ұлттық компания елдегі мұнай мен газ конденсатын өндірудің 26%-ын, сондай-ақ табиғи және ілеспе газды өндірудің 15%-ын қамтамасыз етеді. Оның магистральдық құбырлары арқылы Қазақстан мұнайының 56% және газының 79% тасымалданады. 2018 жылы «ҚазМұнайГаз» 23,6 млн тонна мұнай және 8,3 млн текше метр газ конденсатын өндірді. 2019 жылғы маусымдағы жағдай бойынша «ҚазМұнайГаз» тобына 184 компания кіреді. ҚМГ геологиялық барлау жобаларының қоржынында 23 жоба (бірлескен және меншікті), оның ішінде 14-і құрлықта, 9-ы теңізде іске асырылады. Ұлттық компания ретінде «ҚазМұнайГаз» жер қойнауының стратегиялық учаскелері бойынша жер қойнауын пайдаланудың басым құқығына ие, сондай-ақ шельфті кен орындарын игеруге арналған жаңа келісімшарттарды ресімдеу кезінде қатысу үлесінің 50%-ын алады.

Корпоративтік басқару

Корпоративтік басқару және орнықты даму ҚМГ стратегиясы мен ұзақ мерзімді орнықты дамуының негізгі құрамдас бөліктерінің бірі болып табылады. Корпоративтік басқару жүйесін жетілдіру орнықты даму қағидаттарының түйінді бизнес-процестермен, операциялық қызметпен және шешімдер қабылдау процестерімен бірігуін қамтамасыз етеді.

Кадр саясаты

Компанияның кадрлық саясаты адами ресурстарды оңтайлы бөлу үшін ҚМГ стратегиялық мақсаттары мен міндеттерін ескере отырып, мамандарға деген қажеттілікті анықтауға, еңбекті ынталандырудың оңтайлы схемаларын әзірлеуге бағытталған.